بلدیہ رئیس گوٹھ سے دھماکا خیز مواد برآمدگی کیس میں پیشرفت
اشاعت کی تاریخ: 6th, January 2026 GMT
کراچی کے علاقے بلدیہ ٹاؤن میں واقع رئیس گوٹھ سے دھماکا خیز برآمدگی کیس میں گرفتار فتنہ الہندوستان کے گرفتار دہشت گردوں کو جسمانی ریمانڈ پر سی ٹی ڈی کے حوالے کردیا۔
ایکسپریس نیوز کے مطابق انسداد دہشتگردی کی عدالت میں بلدیہ رئیس گوٹھ سے برآمد ہونے والے 2 ہزار کلو دھماکا خیز مواد کے کیس کی سماعت ہوئی جس میں گرفتار ملزمان کو سخت سیکیورٹی میں عدالت میں پیش کیا گیا۔
اے ٹی سی کی منتظم عدالت نے فتنہ الہندوستان کے گرفتار دہشتگردوں کو 24 جنوری تک جسمانی ریمانڈ پر سی ٹی ڈی کے حوالے کردیا۔
کیس کی سماعت کراچی سینٹرل جیل انسداد دہشتگردی کمپلیکس میں متظم عدالت میں ہوئی جہاں ملزم نیاز قادر عرف کنگ، ہمدان عرف فرید اور جلیل احمد عرف فرید شامل کو جج کے روبرو پیش کیا گیا۔
مزید پڑھیںبلدیہ رئیس گوٹھ سے بھاری مقدار میں دھماکا خیز مواد برآمد ہونے کے کیس کا مقدمہ درج
تفتیشی افسر نے بتایا کہ ملزمان کو رئیس گوٹھ بلدیہ سے گرفتار کیا گیا، ان کا تعلق کالعدم بی ایل اے کے بشیر زیب گروپ سے ہے۔
تفتیشی افسر نے عدالت کو بتایا کہ ملزمان سے بارودی مواد سے بھرے ڈرم، ڈیٹونیٹر، بارود سے بھرےگیس سلنڈر اور دیگر دھماکا خیز مواد برآمد ہوا، ملزمان سے تفتیش کرنی ہے ریمانڈ دیا جائے۔
عدالت نے ملزمان کو 24 جنوری تک جسمانی ریمانڈ پر سی ٹی ڈی کے حوالے کردیا۔ سی ٹی ڈی کے مطابق ملزمان یہ بارودی مواد بلوچستان سے لائے تھے۔
واضح رہے کہ گزشتہ روز سی ٹی ڈی افسر کی مدعیت میں دھماکا خیز مواد برآمدگی کا مقدمہ درج ہوا تھا جبکہ اتوار کی رات فورسز نے بروقت کارروائی کرتے ہوئے کراچی کو بڑی تباہی سے بچاتے ہوئے 2 ہزار کلو بارودی مواد برآمد کیا تھا۔
.
ذریعہ
ذریعہ: Express News
کلیدی لفظ: دھماکا خیز مواد رئیس گوٹھ سے سی ٹی ڈی کے مواد برا
پڑھیں:
رحیم یارخان: لاپتا نوجوان کی لاش گرفتار ایس ایچ او کی نشاندہی پر برآمد
رحیم یارخان میں لاپتا نوجوان کی لاش گرفتار ایس ایچ او کی نشاندہی پر برآمد کر لی گئی، ایس ایچ او کوٹ سمابہ تھانا نے بچی کے مبینہ قتل کیس میں 19 جولائی کو نوجوان کو طلب کیا تھا جس کے بعد نوجوان لاپتا ہو گيا تھا۔
ڈی پی او عرفان سموں کے مطابق مقتول نوجوان کے بھائی کی مدعیت میں ایس ایچ او سمیت 5 پولیس اہل کاروں کے خلاف مقدمہ درج کیا گیا تھا۔
مدعی کا کہنا تھا کہ ایس ایچ او کوٹ سمابہ تھانا نے بچی کے مبینہ قتل کیس میں 4 روز قبل بھائی کو طلب کیا اور تشدد کرکے قتل کردیا۔
پولیس نے تفتیش کے بعد گرفتار ملزم ایس ایچ او کی نشان دہی پر مقتول نوجوان کی لاش تھانہ صدر صادق آباد علاقہ رانجھی خان میں گنے کی فصل سے برآمد کر لی۔
بھارت سے جنگ اور افغانستان میں کارروائی خارج ازامکان نہیں، وزیردفاع