کراچی: بلدیہ سے دھماکا خیز مواد برآمد ہونے کا مقدمہ درج، 3 دہشتگرد گرفتار
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے بلدیہ رئیس گوٹھ سے دھماکا خیز مواد برآمد ہونے پر باقاعدہ مقدمہ درج کر لیا گیا ہے۔
حکام کے مطابق مقدمے میں انسدادِ دہشت گردی ایکٹ اور ایکسپلوزوز ایکٹ کی دفعات شامل کی گئی ہیں۔ تفتیشی حکام کا کہنا ہے کہ دہشت گرد شہر میں دہشت گردی کے لیے ایک ٹرک تیار کر رہے تھے۔ کارروائی کے دوران دو ہزار کلوگرام بارودی مواد، 30 سے زائد ڈرم اور پانچ سلنڈر تحویل میں لے لیے گئے۔
حکام نے بتایا کہ چھاپے کے دوران ایک دہشت گرد کو موقع پر گرفتار کیا گیا، جس کی نشاندہی پر اس کے مزید دو ساتھیوں کو بھی حراست میں لے لیا گیا۔ گرفتار افراد کا تعلق کالعدم تنظیم بی ایل اے کے کمانڈر بشیر گروپ سے بتایا جا رہا ہے۔
وزیر داخلہ سندھ ضیا لنجار نے انکشاف کیا کہ بلدیہ رئیس گوٹھ سے پکڑے گئے دہشت گرد کراچی کے ایک اہم مقام پر شہریوں کو نشانہ بنانے کا منصوبہ رکھتے تھے۔ انہوں نے کہا کہ دہشت گردوں کے پورے نیٹ ورک کو بے نقاب کیا جائے گا۔
دریں اثنا ڈی آئی جی سی ٹی ڈی سندھ غلام اظفر مہیسر نے ایک ٹی وی پروگرام میں گفتگو کرتے ہوئے بتایا کہ گرفتار ملزمان نے اعتراف کیا ہے کہ دھماکا خیز مواد مختلف راستوں، مختلف طریقوں اور مختلف اوقات میں بلوچستان سے خفیہ طور پر کراچی منتقل کیا گیا۔ ان کے مطابق دہشت گردوں کا مقصد کراچی کی معاشی سرگرمیوں کو نقصان پہنچانا اور یہ تاثر دینا تھا کہ شہر غیر محفوظ ہے۔
ذریعہ
ذریعہ: Jasarat News
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی