بھارت میں تحریک اسلامی کے ممتازادیب پرواز رحمانی انتقال کرگئے
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
نئی دہلی ( مانیٹرنگ ڈیسک)بھارت میں تحریک اسلامی کے ممتاز ادیب وصحافی سہ روزہ دعوت کے آخری چیف ایڈیٹر عبدالحق پرواز رحمانی گزشتہ شب انتقال کرگئے۔ ان کی عمر 77 سال سے زائد تھی۔وہ ایک ماہ سے الشفا اسپتال دہلی ، ابوالفضل انکلیو کے آئی سی یو برین ہیمریج اور فالج کے حملے کے بعد سے داخل تھے۔ پسماندگان میں اہلیہ ، ایک بھائی اور 2 بیٹیاں ہیں۔ان کی نماز جنازہ منگل کومرکز جماعت اسلامی کے کیمپس میں واقع مسجد اشاعت اسلام میں نمازجنازہ ادا کردی گئی ۔ پرواز رحمانی سہ روزہ دعوت کے پانچویں اور آخری چیف ایڈیٹر تھے۔ ان کے ریٹائرمنٹ کے بعد سہ روزہ دعوت ہفتہ روزہ ہوکر حیدرآباد منتقل ہوگیا۔پرواز رحمانی سہ روزہ دعوت میں پہلے چیف ایڈیٹر اصغر علی عابدی کے ذریعہ شروع کیے گئے مشہور ومعروف کالم ’خبرونظر‘ کو پرواز رحمانی نے آخری وقت تک قائم رکھا۔ وہ اپنے اس کالم کے لیے ہمیشہ یاد کیے جائیں گے۔
ذریعہ
ذریعہ: Jasarat News
کلیدی لفظ: پرواز رحمانی سہ روزہ دعوت
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی