حیدرآباد پریس کلب نے صحافیوںکے حقوق کیلیے ہمیشہ توانا آواز بلند کی،شہزاد شیخ
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(نمائندہ جسارت) ڈویژنل ڈائریکٹر انفارمیشن حیدرآباد شہزاد شیخ نے اپنے افسران کے ہمراہ پریس کلب حیدرآباد کا دورہ کیا، جہاں انہوں نے پریس کلب کے انتخابات برائے سال 2026ء میں کامیاب ہونے والے نومنتخب عہدیداران کو دلی مبارکباد پیش کی۔اس موقع پر ڈپٹی ڈائریکٹر محمد یعقوب بھٹی، انفارمیشن آفیسر علی وقاص سہتو اور اسسٹنٹ سعید شیخ بھی ان کے ہمراہ تھے۔ ڈویژنل ڈائریکٹر انفارمیشن نے نومنتخب صدر جنید خانزادہ، جنرل سیکرٹری اشوک شرما اوراراکین مجلس عاملہ کو ہار پہنائے ۔اس موقع پر شہزاد شیخ نے کہا کہ پریس کلب حیدرآباد ایک مؤثر اور فعال صحافتی ادارہ ہے جس نے ہمیشہ صحافی برادری کے حقوق کے تحفظ اور آزادی صحافت کے فروغ میں نمایاں کردار ادا کیا ہے۔ انہوں نے امید ظاہر کی کہ نومنتخب عہدیداران اپنی ذمے داریاں احسن طریقے سے انجام دیتے ہوئے صحافیوں کی فلاح و بہبود کے لیے عملی اقدامات کریں گے۔انہوں نے مزید کہا کہ انفارمیشن ڈپارٹمنٹ اور پریس کلب کے درمیان باہمی تعاون کو مزید فروغ دیا جائے گا تاکہ عوام تک درست اور بروقت معلومات کی فراہمی ممکن بنائی جا سکے۔ اس موقع پر انہوں نے نومنتخب نائب صدر جے پرکاش مورانی، خزانچی اکرم شاہد، جوائنٹ سیکرٹری فہیم ببر اور اراکین مجلس عاملہ علی حسن، لالہ رحمان سموں، خالد کھوکھر، محمد حسین خان، اقبال ملاح، حمیدالرحمان، جاوید چراخ، سہیل انصاری اور ظفر ہکڑو کو بھی مبارکباد دی اور نیک تمناؤں کا اظہار کیا۔
ذریعہ
ذریعہ: Jasarat News
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی