گرین لینڈ پر امریکی دعویٰ، یورپی طاقتوں نے ڈنمارک کی حمایت کر دی
اشاعت کی تاریخ: 7th, January 2026 GMT
یورپی رہنماؤں کے ایک گروپ نے مشترکہ بیان میں گرین لینڈ کو ڈنمارک کا حصہ قرار دیتے ہوئے امریکا سے مطالبہ کیا ہے کہ وہ نیٹو رکن ریاست کی علاقائی سالمیت کا احترام کرے۔
امریکی صدر ڈونلڈ ٹرمپ نے حال ہی میں ایک بار پھر خودمختار ڈینش خطے گرین لینڈ پر قبضے میں دلچسپی کا اظہار کیا، ان کا یہ بیان اس وقت سامنے آیا جب واشنگٹن نے وینزویلا پر حملہ کر کے اس کے صدر نکولس مادورو کو اغوا کر لیا۔
یہ بھی پڑھیں: ڈنمارک، برطانیہ اور فرانس نے ٹرمپ کی گرین لینڈ پر دعوے کی مخالفت
اس کے بعد ڈنمارک کی وزیر اعظم میٹے فریڈرکسن نے کہا کہ جب ٹرمپ گرین لینڈ کی خواہش کا اظہار کریں تو انہیں سنجیدگی سے لینا چاہیے۔
European leaders rallied behind Greenland after US President Trump renewed threats to take over the Danish territory, emphasizing that only Denmark and Greenland should decide their future https://t.
— Reuters (@Reuters) January 6, 2026
منگل کو جاری ہونے والے اس دستاویز پر میٹے فریڈرکسن، فرانسیسی صدر ایمانوئل میکرون، جرمن چانسلر فریڈرک مرٹس، برطانوی وزیر اعظم کیئر اسٹارمر کے علاوہ اٹلی، اسپین اور پولینڈ کے رہنماؤں کے دستخط موجود ہیں۔
بیان میں کہا گیا ہے کہ گرین لینڈ اس کے عوام کا ہے، ڈنمارک اور گرین لینڈ سے متعلق معاملات پر فیصلہ کرنے کا حق صرف اور صرف ڈنمارک اور گرین لینڈ کو حاصل ہے۔
مزید پڑھیں: کیا صدر ٹرمپ امریکا کو تنہا اور کمزور بنا رہے ہیں؟
صدر ٹرمپ طویل عرصے سے اس بات پر زور دیتے آئے ہیں کہ اپنی تذویراتی اہمیت کے باعث وسائل سے مالا مال اس آرکٹک جزیرے پر امریکا کا کنٹرول ہونا چاہیے۔
انہوں نے یہ دعویٰ بھی کیا ہے کہ کوپن ہیگن گرین لینڈ کا مؤثر تحفظ نہیں کر سکتا، اور اس ضمن میں علاقے میں روسی اور چینی بحری سرگرمیوں کا حوالہ دیا ہے۔ تاہم ماسکو کا کہنا ہے کہ اس نے کبھی آرکٹک میں کسی کو دھمکی نہیں دی۔
European leaders issue joint statement defending Greenland sovereignty after Trump renews annexation threats
Six NATO allies unite: France, Germany, UK, Italy, Spain, Poland stand with Denmark
"Greenland ????️elongs to its people"
Arctic security now top EU priority pic.twitter.com/MIKrCxKG2u
— Boi Agent One (@boiagentone) January 6, 2026
یورپی رہنماؤں کے بیان میں کہا گیا ہے کہ نیٹو کے یورپی اتحادی آرکٹک خطے کو ایک ترجیح سمجھتے ہیں اور اسے ’محفوظ رکھنے اور ممکنہ مخالفین کو روکنے‘ کے لیے اپنی کوششیں بڑھا رہے ہیں۔
تاہم اس دستاویز میں امریکا کی جانب سے گرین لینڈ حاصل کرنے کی خواہش کی کھل کر مذمت نہیں کی گئی، اس کے برعکس، امریکا کو آرکٹک میں ’سلامتی کے دفاع میں ایک اہم شراکت دار‘ قرار دیا گیا ہے اور واشنگٹن سے مطالبہ کیا گیا ہے کہ وہ اقوام متحدہ کے منشور کے اصولوں، بالخصوص خودمختاری، علاقائی سالمیت اور سرحدوں کے تقدس، کی پاسداری کرے۔
مزید پڑھیں: گرین لینڈ کے باشندوں کا ٹرمپ کو منہ توڑ جواب
یورپی یونین نے ہفتے کے روز امریکا کی جانب سے تیل سے مالا مال وینزویلا پر حملے، صدر نکولس مادورو اور ان کی اہلیہ کے اغوا اور انہیں منشیات اسمگلنگ کے الزامات پر مقدمے کے لیے نیویارک منتقل کیے جانے کے بعد بھی اسی نوعیت کا محتاط ردِعمل ظاہر کیا تھا۔
اتوار کو یورپی یونین کی سفارتی سروس کی جانب سے جاری بیان میں نہ تو امریکی کارروائیوں کی حمایت کی گئی اور نہ ہی مذمت، بلکہ ’تحمل اور ضبط‘ پر زور دیتے ہوئے اقوام متحدہ کے منشور کی پابندی کا مطالبہ کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرکٹک امریکا ایمانوئل میکرون ڈونلڈ ٹرمپ صدر ٹرمپ کیئر اسٹارمر گرین لینڈ ماسکو نیٹو وینزویلا یورپی اتحادی
ذریعہ
ذریعہ: WE News
کلیدی لفظ: ا رکٹک امریکا ایمانوئل میکرون ڈونلڈ ٹرمپ کیئر اسٹارمر گرین لینڈ ماسکو نیٹو وینزویلا یورپی اتحادی گرین لینڈ گیا ہے
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار