’25 لاکھ سے 4 لاکھ تک‘، اداکارہ مایا خان نے معاوضے میں حیران کن کمی کا راز فاش کردیا
اشاعت کی تاریخ: 7th, January 2026 GMT
پاکستان شوبز انڈسٹری کی معروف اداکارہ و میزبان مایا خان نے حال ہی میں اپنی پیشہ ورانہ زندگی میں آنے والے اتار چڑھاؤ اور خاص طور پر بھاری تنخواہ سے کم معاوضے تک کے سفر پر کھل کر گفتگو کی ہے۔
پوڈکاسٹ کے دوران مایا خان نے انکشاف کیا کہ ایک وقت ایسا تھا جب مارننگ شو کے لیے 25 لاکھ روپے ماہانہ معاوضہ لیا کرتی تھیں۔ ان کے مطابق معروف صحافی اقرار الحسن اکثر تجسس کے تحت ان سے تنخواہ کے بارے میں سوال کیا کرتے تھے۔
View this post on Instagram
A post shared by HideSide magazine (@hidesidemagazine)
مایا خان نے بتایا کہ 2020 میں ان کی زندگی میں ایک ایسا مرحلہ آیا جب انہیں صرف 4 لاکھ روپے میں شو کرنے پر رضامندی ظاہر کرنا پڑی۔ اداکارہ کا کہنا تھا کہ یہ لمحہ ان کے لیے انتہائی مشکل تھا اور انہیں محسوس ہوا جیسے وہ یکدم بلندی سے نیچے آ گری ہوں۔ انہوں نے اعتراف کیا کہ ابتدا میں وہ اس فیصلے پر ہچکچاہٹ کا شکار تھیں لیکن بعد ازاں انہوں نے اللہ پر بھروسہ کرتے ہوئے دعا کی کہ اس رقم میں برکت ڈال دی جائے۔
انہوں نے مزید کہا کہ یہ رقم مجھے اللہ کی طرف سے ملی تھی اور وہی ذات تھوڑے کو بہت زیادہ بنا سکتی ہے۔ اللہ چاہے تو تیس کو تیس کروڑ بھی بنا سکتا ہے۔
یہ بھی پڑھیں: ’کرینہ کپور میری بیوی رہ چکی‘، مفتی قوی کا حیران کن دعویٰ
واضح رہے کہ مایا خان نے اپنے کیریئر کا آغاز پی ٹی وی کے ڈراموں ایک محبت سو افسانے سے کیا تاہم انہیں اصل شہرت سما ٹی وی کے مقبول مارننگ شو سے حاصل ہوئی۔
وہ 2024 میں ڈرامہ مائی ری کے ذریعے ٹی وی اسکرین پر واپس آئیں، جبکہ کبھی میں کبھی تم اور بڑے بھیا میں اپنے کردار کے باعث خوب داد سمیٹی۔ اس کے علاوہ مایا خان ایک کامیاب کاروباری شخصیت بھی ہیں اور اپنا ہربل برانڈ چلا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے مائی رے مارننگ شو ہوسٹ مایا خان مایا خان تنخواہ.
ذریعہ
ذریعہ: WE News
کلیدی لفظ: پاکستانی ڈرامے مارننگ شو ہوسٹ مایا خان مایا خان تنخواہ مایا خان نے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی