امریکا کا ویزا بانڈ پالیسی کا دائرہ مزید وسیع، وینزویلا سمیت 25 نئے ممالک فہرست میں شامل
اشاعت کی تاریخ: 7th, January 2026 GMT
امریکا نے اپنی سخت گیر امیگریشن پالیسی کے تحت ویزا بانڈ پروگرام میں مزید توسیع کرتے ہوئے وینزویلا سمیت 25 نئے ممالک کو اس فہرست میں شامل کر لیا ہے، جن کے شہریوں کو امریکا میں داخلے کے لیے بھاری مالی ضمانت جمع کرانا ہو گی۔
یہ بھی پڑھیں:H-1B لاٹری سسٹم ختم، امریکا نے ورک ویزا دینے کا نیا طریقہ متعارف کرا دیا
خبر رساں ادارے رائٹرز کے مطابق امریکی محکمہ خارجہ کی ویب سائٹ پر جاری معلومات کے مطابق صدر ڈونلڈ ٹرمپ کی انتظامیہ نے ایسے ممالک کی فہرست میں مزید 25 ریاستوں کا اضافہ کیا ہے، جن کے شہریوں سے امریکا کا بزنس یا سیاحتی ویزا حاصل کرنے کے لیے 5 ہزار، 10 ہزار یا 15 ہزار ڈالر تک کا بانڈ طلب کیا جا سکتا ہے۔
اس فہرست میں شامل زیادہ تر ممالک کا تعلق افریقہ، لاطینی امریکا اور جنوبی ایشیا سے ہے، جبکہ مجموعی تعداد 38 ممالک تک پہنچ گئی ہے۔
محکمہ خارجہ کے مطابق نئے شامل کیے گئے ممالک پر یہ پالیسی 21 جنوری سے نافذ العمل ہو گی۔ بیان میں کہا گیا ہے کہ فہرست میں شامل کسی بھی ملک کے پاسپورٹ پر سفر کرنے والے شہری، اگر بی ون یا بی ٹو ویزا کے لیے اہل قرار پاتے ہیں، تو انہیں ویزا انٹرویو کے وقت مقررہ رقم کا بانڈ جمع کرانا ہوگا۔
خبر رساں ادارے رائٹرز کے مطابق ویزا بانڈ کی رقم کا تعین انٹرویو کے دوران کیا جائے گا اور درخواست گزاروں کو امریکی محکمہ خزانہ کے آن لائن ادائیگی کے نظام Pay.
یہ بھی پڑھیں:امریکا نے امیر تارکین وطن کے لیے گولڈ کارڈ ویزا اسکیم متعارف کرادی
رپورٹ میں بتایا گیا ہے کہ وینزویلا کو بھی اس فہرست میں شامل کیا گیا ہے، ایسے وقت میں جب حالیہ دنوں میں وینزویلا کے صدر نیکولس مادورو کو امریکی کارروائی کے بعد نیویارک منتقل کیے جانے کی خبریں سامنے آئی ہیں۔
امریکی حکام کا کہنا ہے کہ اس پالیسی کا مقصد ایسے غیر ملکیوں کو روکنا ہے جو سیاحتی یا کاروباری ویزے پر امریکا آ کر مقررہ مدت سے زائد قیام کرتے ہیں۔ یہ ویزا بانڈ پائلٹ پروگرام گزشتہ سال اگست میں محدود ممالک کے ساتھ شروع کیا گیا تھا۔
صدر ٹرمپ نے اقتدار سنبھالنے کے بعد امیگریشن کے حوالے سے سخت اقدامات کیے ہیں، جن میں بڑے پیمانے پر ملک بدری، ویزوں اور گرین کارڈز کی منسوخی، اور تارکین وطن کی سوشل میڈیا سرگرمیوں کی جانچ شامل ہے۔
دوسری جانب انسانی حقوق کی تنظیموں نے ان پالیسیوں پر شدید تنقید کرتے ہوئے کہا ہے کہ ان اقدامات سے قانونی تقاضوں اور اظہارِ رائے کی آزادی متاثر ہو رہی ہے، تاہم ٹرمپ انتظامیہ اور اس کے حامیوں کا مؤقف ہے کہ یہ پالیسیاں داخلی سلامتی کو بہتر بنانے کے لیے ضروری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ویزا امیگریشن پالیسی صدر ٹرمپ وینزویلا
ذریعہ
ذریعہ: WE News
کلیدی لفظ: امریکا ویزا امیگریشن پالیسی وینزویلا فہرست میں ویزا بانڈ کے مطابق کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار