چوری کا انوکھا واقعہ: واردات کے دوران چور ایگزاسٹ فین کے سوراخ میں پھنس گیا
اشاعت کی تاریخ: 7th, January 2026 GMT
۔
بھارتی ریاست راجستھان کے شہر کوٹا میں چوری کی ایک عجیب و غریب واردات اس وقت ناکام ہو گئی جب ایک چور باورچی خانے کے ایگزاسٹ فین کے سوراخ میں پھنس گیا۔ یہ واقعہ سبھاش کمار راوت کے گھر پیش آیا، جو 3 جنوری کو اپنی اہلیہ کے ہمراہ کھاٹو شیام مندر (ضلع سیکر) کی زیارت کے لیے گئے ہوئے تھے۔
گھر کے مالک اور ان کی اہلیہ اگلے روز رات تقریباً ایک بجے واپس آئے۔ جیسے ہی انہوں نے مرکزی دروازہ کھولا تو اندر کچھ غیر معمولی دکھائی دیا۔ باہر کھڑی اسکوٹر کی ہیڈلائٹ کی روشنی باورچی خانے میں پڑی تو ایک چونکا دینے والا منظر سامنے آیا۔
آدھا جسم اندر، آدھا باہرروشنی میں دیکھا گیا کہ ایک شخص باورچی خانے کے ایگزاسٹ فین کے سوراخ میں آدھا اندر اور آدھا باہر پھنسا ہوا ہے۔ چور نے ایگزاسٹ فین کے راستے گھر میں داخل ہونے کی کوشش کی تھی، مگر اسی میں اٹک کر رہ گیا۔
گھبراہٹ کے عالم میں گھر والوں نے شور مچایا، جس پر پڑوسی فوراً موقع پر جمع ہو گئے۔ واقعے کی اطلاع ملتے ہی پولیس بھی پہنچ گئی۔
یہ بھی پڑھیے سیب اور ہینڈ واش کی چوری، لاہور میں پاکستانی تاریخ کا دلچسپ مقدمہ درج
پولیس کے مطابق چور اکیلا نہیں تھا۔ شور سن کر اس کا ایک ساتھی موقع سے فرار ہو گیا، جبکہ دوسرا ایگزاسٹ فین میں پھنس گیا۔ پولیس نے بتایا کہ پھنسے ہوئے چور نے گھر والوں کو ڈرانے کی کوشش بھی کی اور دعویٰ کیا کہ اس کے ساتھی قریب ہی موجود ہیں۔
تقریباً ایک گھنٹے کی کوشش کے بعد پولیس نے چور کو ایگزاسٹ فین سے باہر نکالا اور حراست میں لے لیا۔ ملزم سے تفتیش جاری ہے۔
پولیس اسٹیکر لگی گاڑی بھی برآمدپولیس نے چور کی ایک گاڑی بھی ضبط کی، جس پر حیران کن طور پر پولیس کا اسٹیکر لگا ہوا تھا۔ شبہ ظاہر کیا جا رہا ہے کہ یہ اسٹیکر لوگوں کو دھوکہ دینے کے لیے استعمال کیا جاتا تھا۔
یہ بھی پڑھیے پولیس نے کافی چور طوطے کو دھر لیا
واقعے کی ویڈیو سوشل میڈیا پر تیزی سے وائرل ہو رہی ہے۔ صارفین نے اس پر دلچسپ تبصرے کیے۔
ایک صارف نے لکھا کہ اس کا نام پون ہے اور ایگزاسٹ فین میں پھنس گیا… واضح رہے کہ ’پون‘ کا ایک مطلب ’ہوا‘ کا بھی ہے، اس طرح طنز اپنی انتہا کو پہنچ گیا! جبکہ کئی افراد نے اس واقعے کو برے کام کا فوری برا نتیجہ قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوکھا واقعہ بھارتی ریاست راجستھان چور کا انجام.
ذریعہ
ذریعہ: WE News
کلیدی لفظ: انوکھا واقعہ بھارتی ریاست راجستھان چور کا انجام ایگزاسٹ فین کے میں پھنس گیا پولیس نے
پڑھیں:
ڈرائیونگ لائسنس سے متعلق بڑا فیصلہ، اہم شرط بھی ختم
حکومتِ پنجاب نے ٹریفک نظام کو جدید خطوط پر استوار کرتے ہوئے شہریوں کے لیے ایک بہترین اور زبردست سہولت والے اقدام کا اعلان کیا ہے۔
حکومتی فیصلے کے مطابق اب صوبے بھر میں گاڑی یا موٹر سائیکل چلانے والوں کو ہر وقت پلاسٹک یا کاغذی ڈرائیونگ لائسنس اپنے ساتھ رکھنے کی ضرورت نہیں ہوگی، بلکہ ان کے موبائل فون میں موجود ’ای ڈرائیونگ لائسنس‘ کو قانونی طور پر مکمل قابل قبول قرار دے دیا گیا ہے۔
ڈی ایل آئی ایم ایس کا جدید ڈیجیٹل نظامپنجاب ٹریفک پولیس کے اعلیٰ حکام کے مطابق یہ نیا اور پیپر لیس نظام ’ڈرائیونگ لائسنس انفارمیشن مینجمنٹ سسٹم (ڈی ایل آئی ایم ایس) کے تحت کام کرے گا۔
یہ بھی پڑھیں:پنجاب میں 16 تا 18 سال کے بچوں کے ڈرائیونگ لائسنس کا اجرا شروع
اس اسمارٹ ڈیجیٹل اقدام کا بنیادی مقصد روایتی کاغذی کارروائی اور لائسنس گم ہونے یا گھر بھول جانے کے باعث شہریوں کو چالان کے خوف سے نجات دلانا اور ٹریفک کے پورے نظام کو تیز رفتار اور مؤثر بنانا ہے۔
موبائل فون پر لائسنس دکھائیں اور چالان سے بچیںنئے قوانین کے تحت اب سڑک پر موجود ٹریفک وارڈنز اور اہلکاروں کے لیے موبائل اسکرین پر دکھایا جانے والا ڈیجیٹل لائسنس ہی حتمی اور درست تصور کیا جائے گا۔
پولیس کے اعلیٰ حکام نے سخت ہدایات جاری کرتے ہوئے واضح کیا ہے کہ اگر کوئی بھی ٹریفک اہلکار، شخص یا ادارہ اس ڈیجیٹل لائسنس کو تسلیم کرنے سے انکار کرے، تو شہری اس کے خلاف فوری طور پر قانونی شکایت درج کروا سکتے ہیں۔
شکایت کے لیے واٹس ایپ نمبر اور ہیلپ لائن جاریٹریفک پولیس پنجاب نے شہریوں کی سہولت اور کسی بھی قسم کی بدتمیزی یا انکار کی صورت میں فوری ایکشن کے لیے درج ذیل رابطے فراہم کیے ہیں، سرکاری ہیلپ لائن نمبر1787 جبکہ آفیشل واٹس ایپ نمبر 03184642936 ہوگا۔
مزید پڑھیں:دبئی کا ڈرائیونگ لائسنس پاکستان میں نہیں چلے گا، ٹریفک پولیس نے اوورسیز پاکستانی کا چالان کردیا
پولیس حکام کا کہنا ہے کہ تمام متعلقہ اداروں اور اہلکاروں کے لیے ای لائسنس کو قبول کرنا لازمی ہوگا اور اس حکم کی خلاف ورزی کرنے والوں کے خلاف سخت محکمانہ کارروائی کی جائے گی۔
ڈاؤن لوڈ کرنے کا طریقہ کارشہری اپنا پورٹیبل ای ڈرائیونگ لائسنس انتہائی آسانی سے حاصل کر سکتے ہیں۔ اس کے لیے انہیں پنجاب حکومت کی آفیشل ویب سائٹ https://dlims.punjab.gov.pk/elicense پر جانا ہوگا، جہاں وہ اپنا شناختی کارڈ نمبر اور دیگر مطلوبہ معلومات درج کر کے اپنا لائسنس دیکھ اور پی ڈی ایف فارمیٹ میں موبائل میں محفوظ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پورٹیبل ٹریفک پولیس پنجاب ڈاؤن لوڈ ڈرائیونگ ڈی ایل آئی ایم ایس شہری لائسنس موبائل فون ہیلپ لائن
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ