بلوچستان میں خوفناک دھماکے سے ریلوے ٹریک تباہ، ٹرینوں کی آمد و رفت بند
اشاعت کی تاریخ: 7th, January 2026 GMT
(ویب ڈیسک)بلوچستان کے ضلع ڈیرہ مراد جمالی کے قریب ایک بڑا دھماکا ہوا جس میں ریلوے ٹریک کا ایک حصہ شدید متاثر ہوا اور ٹرینوں کی آمد و رفت عارضی طور پر بند کر دی گئی۔
پولیس اور ریلوے حکام کے مطابق نامعلوم ملزمان نے ریل لائن پر بارودی مواد نصب کیا، جسے دھماکے کے ذریعے تباہ کر دیا گیا، دھماکے کے نتیجے میں پٹڑی کے ایک حصے کو شدید نقصان پہنچا، جس کی وجہ سے ٹرین سروس فوری طور پر روک دی گئی اور حفاظتی عملہ جائے وقوعہ پر پہنچ گیا۔
گھڑ سواری میں پاکستان کا تاریخی اعزاز، عثمان خان عالمی رینکنگ میں سرفہرست
حکام نے بتایا کہ اس واقعے میں کوئی جانی نقصان نہیں ہوا تاہم ریلوے نیٹ ورک کو پہنچنے والے نقصان کی وجہ سے بلوچستان اور ملک کے دیگر علاقوں کے درمیان ریل رابطے متاثر ہوئے ہیں۔
سکیورٹی فورسز، بم ڈسپوزل سکواڈ اور پولیس نے علاقے کو گھیرے میں لے کر تحقیقات کا آغاز کر دیا ہے تاکہ ملزمان کو گرفتار کیا جا سکے اور مزید حملوں کی روک تھام کی جا سکے۔
بلوچستان میں گزشتہ چند مہینوں کے دوران ریلوے ٹریک اور ٹرینوں پر متعدد حملے پیش آ چکے ہیں جن میں بم دھماکے اور سگنل پوائنٹس پر حملے شامل ہیں، ان واقعات نے علاقے میں سیکیورٹی خدشات بڑھا دیے ہیں اور ریلوے حکام کا کہنا ہے کہ اس سلسلے کی مکمل تحقیقات کی جا رہی ہیں۔
نجی یونیورسٹی کی زخمی طالبہ کے علاج کیلئےقائم میڈیکل بورڈ کی تشکیل نو
حکام کے مطابق ٹرین سروس کی بحالی کا اعلان مزید جانچ کے بعد کیا جائے گا تاکہ مسافروں کی حفاظت یقینی بنائی جا سکے۔
.
ذریعہ
ذریعہ: City 42
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ