اسلام آباد: پمز اسپتال میں مبینہ غلط پروسیجر کے باعث خاتون مریض جاں بحق
اشاعت کی تاریخ: 7th, January 2026 GMT
پاکستان انسٹی ٹیوٹ آف میڈیکل سائنسز (پمز) اسلام آباد میںخاتون مبینہ غفلت کے باعث جاں بحق ہوگئی۔
پھیپھڑوں کے مرض میں مبتلا خاتون کے جگر کی بائیوپسی کر دی گئی ،جو اگلے ہی روز جان کی بازی ہار گئی۔
پھپھڑوں کی بجائے جگر کا ٹشو نکالنے کا انکشاف نجی لیبارٹری کی رپورٹ میں ہوا، لواحقین نے ڈاکٹرز کو ذمے دار قرار دیتے ہوئے اسلام آباد ہیلتھ کیئر ریگولیٹری اتھارٹی کو درخواست دی۔
اتھارٹی نے ای ڈی پمز اور ایچ او ڈی پلمونولوجی کو نوٹس جاری کر کے مریضہ کا مکمل طبی ریکارڈ اور 7 روز میں جواب طلب کر لیا ہے۔
آزاد کشمیر کے علاقے ڈڈیال سے تعلق رکھنے والی عابدہ پروین کو 9 دسمبر کو پمز کے پلمونولوجی ڈپارٹمنٹ میں داخل کیا گیا تھا، انہیں پھپھڑوں کا عارضہ لاحق تھا۔
ایچ او ڈی محمد اسرار نے لنگز بائیوپسی کا فیصلہ کیا تاہم 16 دسمبر کو پھیپھڑوں کی بجائے جگر کی بائیوپسی کر دی گئی، خاتون اگلے روز جاں بحق ہو گئی۔
غلط بائیوپسی کا انکشاف نجلی لیبارٹری کی رپورٹ آنے پر ہوا، اس پر لواحقین نے ایچ او ڈی پلمونولوجی، متعلقہ ڈاکٹرز اور عملے کو ذمے دار قرار دیتے ہوئے اسلام آباد ہیلتھ کیئر ریگولیٹری اتھارٹی سے رجوع کیا۔
.
ذریعہ
ذریعہ: Nawaiwaqt
کلیدی لفظ: اسلام ا باد
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی