لاہوریونیورسٹی میں طالبہ کی خودکشی لمحہ فکر ہے‘ڈاکٹر حمیرا طارق
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور (نمائندہ جسارت) حلقہ خواتین جماعت اسلامی پاکستان کی سیکرٹری جنرل ڈاکٹر حمیرا طارق نے یونیورسٹی آف لاہور میں طالبہ کی خودکشی کے افسوسناک واقعے پر گہرے رنج اور تشویش کا اظہار کیا ہے۔ انہوں نے کہا کہ ایک ہی ہفتے میں اسی یونیورسٹی میں خودکشی کا یہ دوسرا واقعہ ہمارے تعلیمی اداروں، معاشرتی رویوں اور طلبہ کی ذہنی کیفیت پر سنگین سوالات کھڑے کرتا ہے، جو کسی بھی صورت نظرانداز نہیں کیے جا سکتے۔ڈاکٹر حمیرا طارق نے کہا کہ یہ واقعات اس بات کی نشاندہی کرتے ہیں کہ طلبہ شدید ذہنی دباؤ، تعلیمی بوجھ، سماجی تنہائی، خاندانی توقعات اور بعض اوقات ادارہ جاتی بے توجہی کا شکار ہیں۔ تعلیمی اداروں میں طالبات کے مسائل کو سنجیدگی سے نہ لینا، کونسلنگ اور رہنمائی کے مؤثر نظام کا فقدان اور اساتذہ و انتظامیہ کی عدم تربیت ایسے سانحات کا سبب بن رہی ہے۔ یہ صورتحال ہمارے تعلیمی نظام اور مجموعی معاشرتی بے حسی پر ایک واضح سوالیہ نشان ہے۔انہوں نے مطالبہ کیا کہ حکومت فوری طور پر تعلیمی اداروں میں طلبہ کی پریشانیوں کے ازالے اور تحفظ کے لیے جامع اور مؤثر اقدامات کرے۔ تمام جامعات اور کالجز میں تربیت یافتہ ماہر نفسیات پر مشتمل اسٹوڈنٹ کونسلنگ سینٹرز قائم کیے جائیں، اساتذہ اور انتظامیہ کو طلبہ کے نفسیاتی مسائل کی بروقت شناخت اور رہنمائی کی باقاعدہ تربیت دی جائے، اور ہراسگی، تعلیمی دباؤ اور استحصال کے خلاف سخت قوانین پر مؤثر عملدرآمد یقینی بنایا جائے۔ڈاکٹر حمیرا طارق نے مزید کہا کہ ایسے واقعات کی روک تھام کے لیے تعلیمی اداروں میں ایک واضح اسٹوڈنٹ سیفٹی پالیسی، ہیلپ لائنز، والدین سے رابطے کا مضبوط نظام اور بحران کی صورت میں فوری مداخلت کے طریقہ کار کو قانونی حیثیت دی جائے، تاکہ کسی بھی طالبہ یا طالب علم کو تنہا اور بے سہارا محسوس نہ کرنا پڑے۔حلقہ خواتین جماعت اسلامی پاکستان کی ڈپٹی سیکرٹری اور ڈائریکٹر شعبہ تعلیم عفت سجاد نے بھی اس افسوسناک واقعے پر دلی دکھ اور تعزیت کا اظہار کرتے ہوئے کہا کہ طالبات کا ذہنی اور تعلیمی تحفظ ریاست اور تعلیمی اداروں کی مشترکہ ذمے داری ہے، جس میں کسی قسم کی غفلت ناقابل قبول ہے۔ڈپٹی سیکرٹری اور ڈائریکٹر میڈیا سیل ثمینہ سعید نے کہا کہ مسلسل پیش آنے والے یہ واقعات فوری توجہ اور عملی اقدامات کے متقاضی ہیں، محض بیانات نہیں۔ انہوں نے مطالبہ کیا کہ حکومت اور یونیورسٹی انتظامیہ اس سانحے کی شفاف تحقیقات کرا کر ذمے داران کا تعین کرے اور آئندہ ایسے دلخراش واقعات کی روک تھام کے لیے ٹھوس اور پائیدار اقدامات یقینی بنائے جائیں۔
ذریعہ
ذریعہ: Jasarat News
کلیدی لفظ: ڈاکٹر حمیرا طارق تعلیمی اداروں کہا کہ
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ