’آپ جیل جا سکتے ہیں‘، سرمایہ کاری سے انکار کے بعد شارک ٹینک نے پِچر کو وارننگ دے دی
اشاعت کی تاریخ: 8th, January 2026 GMT
شارک ٹینک انڈیا کے پانچویں سیزن میں ایک ایسا پِچ دیکھنے کو ملا جس نے ’شارکس‘ (یعنی شو کے سرمایہ کار ججز) کو شدید ناراض کر دیا۔ شارکس نے الزام لگایا کہ یہ پچ کرنے والا شخص فراڈ ہے اور بے بنیاد دعوے کر رہا ہے اور اپنے صارفین کو گمراہ اور دھوکہ دے رہا ہے۔
منوج داس جو خود کو اروما تھراپسٹ اور نیچروپیتھ کہتے ہیں، نے شو میں اپنی کمپنی Lewisia Wellness کے لیے سرمایہ کاری کی درخواست پیش کی۔ داس نے دعویٰ کیا کہ ان کی مصنوعات جلد اور بالوں کے مسائل کا حل فراہم کرتی ہیں اور یہ مکمل طور پر قدرتی اجزاء پر مبنی ہیں جنہیں انہوں نے ’کیمیکل فری‘ قرار دیا۔
یہ بھی پرھیں: شارک ٹینک کے منتظر کراچی کے ننھے تاجر کون ہیں؟
پینل میں شامل شارکس نے داس کے دعووں کو غیر معتبر قرار دیا، خاص طور پر اس کے یہ دعویٰ کہ وہ ڈاکٹر ہیں جبکہ ان کے پاس طبی تعلیم یا میڈیکل ڈگری موجود نہیں۔ انوپم مِتّل نے سوال کیا کہ ’کیا آپ اروما تھراپسٹ اور نیچروپیتھ ہونے کے باوجود اپنے نام کے ساتھ ڈاکٹر لکھ سکتے ہیں؟‘
امن گپتا نے کہا کہ اگر آپ اپنے نام کے ساتھ ڈاکٹر نہیں لکھ سکتے تو یہ واضح طور پر فراڈ کے زمرے میں آتا ہے۔
یہ بھی پڑھیں: ارشد چائے والا کی شارک ٹینک پاکستان میں انٹری، کاروبار شروع کرنے کے لیے کتنے کروڑ حاصل کرلیے؟
شارکس نے داس کے مارکیٹنگ مواد اور ایمیزون پر مصنوعات کی کم ریٹنگز کی بنیاد پر ان کے کاروباری دعووں پر شدید تنقید کی۔ موہت یادو نے کہا کہ ’آپ کہتے ہیں کہ آپ کیمیکلز سے پریشان تھے لیکن آپ کی مصنوعات میں کیمیکلز ہیں۔ سب کچھ کیمیکل ہی ہوتا ہے یہاں تک کہ پانی بھی ایک کیمیکل ہے۔ جب لوگ کہتے ہیں کہ ان کی پروڈکٹ میں کیمیکل نہیں ہیں تو مجھے یہ غلط فہمی لگتی ہے‘۔
داس نے 2024–2025 میں 10 کروڑ روپے کی فروخت اور 4 کروڑ روپے کے منافع کا دعویٰ کیا جبکہ مالی سال 2026 میں 15 کروڑ روپے کی فروخت کی توقع ظاہر کی۔ تاہم شارکس نے ان کے دعووں کو مسترد کر دیا اور کسی بھی سرمایہ کاری سے انکار کر دیا۔
یہ بھی پڑھیں: ’شارک ٹینک پاکستان سے زیادہ بھارت میں دیکھا جائے گا‘، معروف ریئلٹی شو سے متعلق لوگ کیا کہہ رہے ہیں؟
نمیتا تھاپر نے کہا ’آپ کو اتنے بڑے دعوے کرنے پر شرم آنی چاہیے، فخر نہیں‘۔ کنال بہل نے کہا ’میں امید کرتا ہوں کہ کوئی اور بھی اس کمپنی میں سرمایہ کاری نہیں کرے گا‘۔
انوپم مِتّل نے کہا کہ کچھ پچز ایسی ہوتی ہیں جنہیں وہ بار بار مسترد کرنا چاہتے ہیں۔ آخر میں انہوں نے پچ کرنے والے کو خبردار کرتے ہوئے کہا ’اگر آپ جانچ کے دائرے میں آئے تو آپ جیل جا سکتے ہیں‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شارک ٹینک شارک ٹینک اندیا.
ذریعہ
ذریعہ: WE News
کلیدی لفظ: شارک ٹینک شارک ٹینک اندیا سرمایہ کاری شارک ٹینک نے کہا
پڑھیں:
مشرقِ وسطیٰ کشیدگی کے اثرات، اسٹاک ایکسچینج میں 1,200 سے زائد پوائنٹس کی کمی
مشرقِ وسطیٰ میں بڑھتی ہوئی کشیدگی کے باعث سرمایہ کاروں کے اعتماد کو دھچکا پہنچا ہے، جس کے نتیجے میں پاکستان اسٹاک ایکسچینج میں جمعہ کو بھی فروخت کا دباؤ برقرار رہا۔
آج کاروبار کے پہلے نصف حصے میں بینچ مارک کے ایس ای 100 انڈیکس 1,200 سے زائد پوائنٹس کی کمی کا شکار ہوگیا۔
دوپہر 12 بج کر 5 منٹ پرانڈیکس 170,475.30 پوائنٹس پر ٹریڈ کر رہا تھا، جو 1,264.14 پوائنٹس یعنی 0.74 فیصد کمی کو ظاہر کرتا ہے۔
یہ بھی پڑھیں: عالمی کشیدگی سے سرمایہ کار محتاط، پاکستان اسٹاک مارکیٹ مندی سے دوچار
مارکیٹ میں فروخت کا رجحان آٹوموبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں، آئل مارکیٹنگ کمپنیوں (او ایم سیز) اور بجلی پیدا کرنے والے شعبوں میں نمایاں رہا۔
حب پاور، اٹک ریفائنری لمیٹڈ، ماری انرجیز، او جی ڈی سی ایل، پاکستان پیٹرولیم لمیٹڈ، حبیب بینک، مسلم کمرشل بینک، میزان بینک اور نیشنل بینک جیسے زیادہ وزن رکھنے والے شیئرز مندی کے ساتھ کاروبار کرتے رہے۔
Market is down at midday ????
⏳ KSE 100 is negative by -1253.65 points (-0.73%) at midday trading. Index is at 170,485.8 and volume so far is 113.98 million shares (12:00 PM) pic.twitter.com/DtJJR8AXhS
— Investify Pakistan (@investifypk) July 24, 2026
جمعرات کو بھی پاکستان اسٹاک ایکسچینج شدید دباؤ کا شکار رہی تھی، جب کے ایس ای 100 انڈیکس 2,690.48 پوائنٹس یعنی 1.54 فیصد کمی کے بعد 171,739.45 پوائنٹس پر بند ہوا تھا۔
ماہرین کے مطابق امریکا اور ایران کے درمیان بڑھتی ہوئی جغرافیائی کشیدگی اور عالمی منڈی میں خام تیل کی قیمتوں میں تیزی نے سرمایہ کاروں میں خدشات بڑھا دیے ہیں، جس کے باعث مختلف شعبوں میں بڑے پیمانے پر فروخت دیکھنے میں آئی۔
عالمی منڈیوں میں بھی مندیعالمی سطح پر بھی ایشیائی اسٹاک مارکیٹوں میں جمعہ کو نمایاں کمی دیکھی گئی، جبکہ برینٹ خام تیل کی قیمت بڑھ کر 100.85 ڈالر فی بیرل تک پہنچ گئی۔
گزشتہ روز اس میں تقریباً 7 فیصد اضافہ ریکارڈ کیا گیا تھا اور قیمت مختصر طور پر 102 ڈالر فی بیرل تک جا پہنچی۔
مزید پڑھیں: عالمی معیشت میں بہتری: اسٹاک مارکیٹ اور سونے چاندی میں سرمایہ کاری کب کی جائے؟
تیل کی قیمتوں میں یہ اضافہ ایران سے منسلک حوثی گروپ کی جانب سے بحیرہ احمر میں سعودی آئل ٹینکروں پر حملوں اور آبنائے ہرمز کی بندش کے خدشات کے باعث سامنے آیا، جس سے عالمی تیل کی رسد متاثر ہونے کا اندیشہ پیدا ہوگیا ہے۔
دوسری جانب امریکا کی جانب سے 60 تجارتی شراکت دار ممالک کی درآمدات پر مزید ٹیرف عائد کرنے کے فیصلے نے بھی مہنگائی کے خدشات میں اضافہ کر دیا ہے۔
مالیاتی منڈیوں میں یہ توقع بھی زور پکڑ رہی ہے کہ عالمی مرکزی بینک سخت مانیٹری پالیسی اختیار کر سکتے ہیں۔
سرمایہ کاروں کے مطابق امریکی فیڈرل ریزرو کی جانب سے آئندہ ہفتے ہی شرح سود میں اضافے کا امکان ایک تہائی تک پہنچ چکا ہے، جبکہ ستمبر میں شرح سود بڑھانے کا امکان تقریباً یقینی سمجھا جا رہا ہے۔
مزید پڑھیں: لائیو اسٹاک اور زراعت پر توجہ دے کر ایک سال میں معیشت بہتر کی جا سکتی ہے، وزیراعظم شہباز شریف
ادھر یورپی مرکزی بینک نے اگرچہ اپنی حالیہ میٹنگ میں شرح سود برقرار رکھی، تاہم مالیاتی منڈیوں میں ستمبر میں شرح سود میں اضافے کے امکانات تقریباً 70 فیصد تک پہنچ گئے ہیں۔
ایشیائی منڈیوں میں ایم ایس سی آئی ایشیا پیسیفک انڈیکس میں ایک فیصد، جاپان کے نکی انڈیکس میں 2.9 فیصد جبکہ جنوبی کوریا کے کوسپی انڈیکس میں 3.7 فیصد کمی ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبنائے ہرمز آئل ٹینکر اسٹاک ایکسچینج انڈیکس بحیرہ احمر پاکستان حبیب بینک حوثی سیمنٹ مانیٹری پالیسی میزان بینک نیشنل بینک
بھارت سے جنگ اور افغانستان میں کارروائی خارج ازامکان نہیں، وزیردفاع