کوئٹہ، خانہ فرہنگ کیجانب سے شہدائے مزاحمت کانفرنس کا انعقاد

اشاعت کی تاریخ: 8th, January 2026 GMT

شرکاء نے شہدائے مزاحمت کانفرنس کے موقع پر فلسطین کا دفاع کرنیوالے شہداء کو خراج عقیدت پیش کرتے ہوئے کہا کہ شہدائے مزاحمت نے اسرائیل کے ناپاک عزائم کو ہمیشہ خاک میں ملایا ہے۔ دنیا کے اقدار پسند افراد کے دلوں میں وہ ہمیشہ زندہ رہینگے۔ چھوٹی تصاویر تصاویر کی فہرست سلائیڈ شو

کوئٹہ، شہدائے مزاحمت کانفرنس کے تصویری مناظر

اسلام ٹائمز۔ صوبائی دارالحکومت کوئٹہ میں قائم خانہ فرہنگ ایران کی جانب سے شہدائے مزاحمت کانفرنس کا انعقاد کیا گیا۔ جس میں مختلف مکاتب فکر سے تعلق رکھنے والے علمائے کرام، عمائدین اور دیگر شخصیات نے شرکت کیں۔ اس موقع پر نیشنل پارٹی کے رہنماء و رکن اسمبلی رحمت صالح بلوچ، ایرانی ڈپٹی قونصل جنرل مہدی شائقی، امام جمعہ علامہ سید ہاشم موسوی، جمعیت علماء اسلام نظریاتی کے مولانا عبدالقادر لونی، جے یو آئی کے صوبائی رہنماء قاری مہراللہ، مجلس وحدت مسلمین کے علامہ ولایت حسین جعفری، علامہ محمد جمعہ اسدی، جماعت اسلامی کے ڈاکٹر عطاء الرحمان، ڈاکٹر اسحاق بلوچ، خانہ فرہنگ کے ڈائریکٹر ابولحسن میری، اختیار احمد، عبدالقیوم ایڈوکیٹ اور دیگر شخصیات نے خطاب کیا۔ شرکاء نے کانفرنس کے موقع پر فلسطین کا دفاع کرنے والے شہداء کو خراج عقیدت پیش کرتے ہوئے کہا کہ شہدائے مزاحمت نے اسرائیل کے ناپاک عزائم کو ہمیشہ خاک میں ملایا ہے۔ دنیا کے اقدار پسند افراد کے دلوں میں وہ ہمیشہ زندہ رہیں گے۔ انکا کہنا تھا کہ اسرائیل اور امریکہ امت مسلمہ کے کھلے دشمن ہیں، مسلمانوں کو اتحاد کا دامن تھام کر دشمن کا مقابلہ کرنا ہوگا۔ مقررین نے خانہ فرہنگ ایران کی جانب سے مختلف مکاتب فکر کے علماء و عمائدین کی کانفرنس کو خوش آئند قرار دیتے ہوئے کہا کہ ایسی تقریبات اتحاد و بھائی چارے کو مضبوط تر بناتا ہے۔ اس موقع پر شہداء کے بلند درجات کے لئے دعا اور فاتحہ خوانی بھی کی گئی۔.

ذریعہ

ذریعہ: Islam Times

کلیدی لفظ: شہدائے مزاحمت کانفرنس کے تصویری مناظر

پڑھیں:

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔

کوئٹہ، خانہ فرہنگ کیجانب سے شہدائے مزاحمت کانفرنس کا انعقاد

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر