وزیراعظم شہباز شریف ایک روزہ دورے پر کوئٹہ پہنچ گئے
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
وزیراعظم میاں محمد شہباز شریف ایک روزہ سرکاری دورے پر کوئٹہ پہنچ گئے ہیں، جہاں وفاقی حکومت کی جانب سے بلوچستان میں ترقی اور تعلیم کے شعبے میں جاری اقدامات کو آگے بڑھانے پر توجہ مرکوز کی جائے گی۔
نجی ٹی وی کی رپورٹ کے مطابق کوئٹہ ایئرپورٹ پر وزیراعظم میاں محمد شہباز شریف کا استقبال گورنر بلوچستان شیخ جعفر مندوخیل
اور وزیراعلیٰ میر سرفراز بگٹی نے کیا، جبکہ اس موقع پر متعدد وفاقی وزرا بھی وزیراعظم کے ہمراہ موجود تھے۔
رپورٹ کے مطابق دورے کے دوران وزیراعظم بلوچستان میں امن و امان اور سیکیورٹی کی صورتحال پر اعلیٰ سطحی اجلاس کی صدارت بھی کریں گے، جس میں وفاقی وزراء کے علاوہ صوبائی حکام بھی شرکت کریں گے۔ اجلاس میں صوبے کی موجودہ سیکیورٹی صورتحال، انتظامی چیلنجز اور عوامی تحفظ کے اقدامات پر تفصیلی تبادلہ خیال کیا جائے گا۔
اپنے دورے کے دوران وزیراعظم شہباز شریف کوئٹہ میں دو اہم ترقیاتی منصوبوں کا سنگ بنیاد رکھیں گے، جنہیں صوبے کی معاشی اور سماجی ترقی کے لیے اہم قرار دیا جا رہا ہے۔
اس کے علاوہ وزیراعظم پانچ دانش اسکولوں کا افتتاح بھی کریں گے، جن کا مقصد بلوچستان کے پسماندہ علاقوں میں معیاری تعلیم کی فراہمی کو یقینی بنانا ہے۔
شہباز شریف اپنی مصروفیات کے دوران وزیراعلٰی بلوچستان، صوبائی حکام اور اتحادی جماعتوں کے رہنماؤں سے ملاقاتیں بھی کریں گے تاکہ صوبے کے مختلف مسائل پر مشاورت اور حکومتی حکمت عملی کا جائزہ لیا جا سکے، وزیراعظم قبائلی عمائدین اور مقامی سماجی رہنماؤں سے بھی ملاقات کریں گے، جس میں علاقے کی ترقی اور امن و استحکام کے لیے مشترکہ اقدامات پر بات ہوگی۔
اس موقع پر پاکستان مسلم لیگ ن کے مرکزی رہنماؤں کے ساتھ بھی اہم ملاقاتوں کا امکان ہے، جس میں صوبے میں جاری ترقیاتی منصوبے، تعلیمی اقدامات اور دیگر سیاسی امور پر غور کیا جائے گا۔
ذریعہ
ذریعہ: Jasarat News
کلیدی لفظ: شہباز شریف کریں گے
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ