کوئٹہ، چھوٹے شہر میں وی آئی پی موومنٹ عوام کیلئے عذاب بن گیا
اشاعت کی تاریخ: 8th, January 2026 GMT
وزیراعظم شہباز شریف کی کوئٹہ آمد پر پہلے استقبال کیلئے جانیوالے وزراء کیلئے سڑکیں بند کی گئیں، بعد ازاں وزیراعظم اور دیگر حکومتی اراکین کی ائیر پورٹ سے واپسی پھر بھی عوام کو انتظار کروایا گیا۔ اسلام ٹائمز۔ بلوچستان کے صوبائی دارالحکومت کوئٹہ میں وزیراعظم شہباز شریف کی آمد کے موقع پر وی آئی پی موومنٹ نے عوام کو رلا دیا۔ شہر کی اہم شاہراہیں بند کرکے عوام کو گھنٹوں تک انتظار کروایا گیا۔ تفصیلات کے مطابق آج وزیراعظم شہباز شریف ایک روزہ دورے کے لئے صوبائی دارالحکومت کوئٹہ پہنچے، تو پہلے وزیراعظم کے استقبال کے لئے جانے والے وزیراعلیٰ اور صوبائی وزراء کی سکیورٹی کے لئے سڑکیں بند کی گئیں، بعد ازاں وزیراعظم اور دیگر حکومتی اراکین کی ائیر پورٹ سے واپسی پھر بھی عوام کو انتظار کروایا گیا۔ واضح رہے کہ کوئٹہ شہر چھوٹا ہونے کی وجہ سے چند سڑکیں نقل و حرکت کے لئے انتہائی اہم ہیں۔ جن کی بندش سے ٹریفک کا سارا نظام درہم برہم ہوجاتا ہے۔ زرغون روڈ اور ائیرپورٹ روڈ بھی انہی سڑکوں میں شامل ہیں۔ تاہم وزیراعلیٰ، صوبائی وزراء، آئی جی پولیس اور سیکرٹریز سمیت کسی بھی اہم شخصیت کی نقل و حرکت کی صورت میں ان سڑکوں کو بند کر دیا جاتا ہے۔ شہریوں کا کہنا ہے کہ کوئٹہ میں وی آئی پی کلچر عوام کے لئے مستقل عذاب بن چکا ہے۔ یہ پہلی مرتبہ نہیں ہے کہ عوام کو گھنٹوں انتظار کروایا گیا ہے۔ اس سے قبل بھی وزیراعلیٰ سرفراز بگٹی کی نقل و حرکت کے دوران ایسا ہوا ہے۔ تاہم حکومت عوام کے شکوہ کا جواب دیتے ہوئے کہتی ہے کہ بلوچستان کی سکیورٹی صورتحال ٹھیک نہیں ہے۔
.
ذریعہ
ذریعہ: Islam Times
کلیدی لفظ: انتظار کروایا گیا عوام کو کے لئے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ