دین کے نام پر فتنے کو فروغ دینا بڑی خیانت ہے،مریم نواز
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور:وزیراعلیٰ پنجاب مریم نواز کا کہنا ہے کہ پنجاب کی زمین ہر ظالم اور مافیا کےلیے تنگ کردی گئی ہے، ٹریفک قوانین کی سختی پر لوگ خوش نہیں تاہم ظالم کو کٹہرے میں کھڑا کرنا ریاست کی ذمہ داری ہے۔
علمائے کرام اور آئمہ مساجد میں اعزازیہ کارڈ تقسیم کرنے کی تقریب سے خطاب کرتے ہوئے انہوں نے کہا ہے کہ علما اور آئمہ کرام معاشرے میں رہنمائی کا اہم فریضہ انجام دیتے ہیں اور ان کا مقام منفرد اور قابلِ احترام ہے۔
تمام علمائے کرام کو خوش آمدید کہتی ہوں، علما اور آئمہ کرام غم اور خوشی کے مواقع پر ہماری رہنمائی کرتے ہیں، معاشرے میں اگر کوئی مسئلہ درپیش ہو تو سب سے پہلے امام مسجد کی طرف دیکھا جاتا ہے، آئمہ کرام کی عزت کرنا میرے لیے اعزاز کا باعث ہے۔
مریم نواز نے بتایا کہ پنجاب میں تمام مسالک کی تقریباً 80 ہزار مساجد ہیں اور حکومت کی جانب سے آئمہ کرام کو 25 ہزار روپے ماہانہ اعزازیہ دیا جائے گا، اب تک 70 ہزار آئمہ کے بینک اکائونٹس کھل چکے ہیں۔
یہ ایک ارب 20 کروڑ روپے کا منصوبہ ہے جس کے تحت فروری سے بینک اکائونٹس کے ذریعے اعزازیہ کی ادائیگی شروع کی جائے گی، اعزازیہ کارڈ کے حوالے سے منفی پراپیگنڈہ کیا گیا تاہم حکومت شفاف انداز میں یہ منصوبہ مکمل کر رہی ہے۔
وزیراعلیٰ پنجاب نے کہا کہ مذہبی منافرت کو روکنا علمائے کرام کی بڑی ذمہ داری ہے، کچھ لوگوں نے احتجاج کے نام پر ریاست کو یرغمال بنایا، مذہب کے نام پر فتنہ پھیلایا اور عوامی املاک کو نقصان پہنچایا۔
ستھرا پنجاب کی گاڑیوں کو جلایا گیا اور پرامن معاشرے کو تارتار کرنے کی کوشش کی گئی، جلائوگھیرائواور فساد پھیلانا فتنہ نہیں تو اور کیا ہے، یہ فتنہ معاشرے کے لیے زہر ہے، دین کی اس سے بڑی خیانت کوئی نہیں کہ کوئی دین کا نام استعمال کرے اور فتنے کو فروغ دے۔
ملک و قوم کی سلامتی سے کھلواڑ کی کسی کو اجازت نہیں دی جائے گی، فتنے کی سرکوبی ریاست کی ذمہ داری ہے۔
ان کا کہنا ہے کہ میں ایک بات اور کہنا چاہتی ہوں کہ آپ معاشرے کی تربیت کرتے ہیں عوام کی رہنمائی کرتے ہیں، خطبات کے ذریعے شعور دیتے ہیں اور حقوق اللہ کو اچھی طرح جانتے ہیں۔
حکومت اور آپ کے درمیان قریبی رابطہ ضروری ہے، یہ اعزازی رقم ایک چھوٹا سا تحفہ ہے، اصل ضرورت مشاورت اور تعاون کی ہے، عوام کی خدمت میں مجھے آپ کی رہنمائی درکار ہے تاکہ فیصلے بہتر ہوں اور اثر بھی واضح ہو۔
جس طرح آپ لوگ اذان کے ذریعے لوگوں کو نماز کی طرف بلاتے ہیں اور قرآن کی تعلیم کی طرف راغب کرتے ہیں، اسی طرح آپ کی ذمہ داری ہے کہ ہر شخص کو یہ باور کرائیں کہ ملک اور قوم کی خدمت صرف حکومت کا کام نہیں بلکہ ہر پاکستانی کی ذمہ داری ہے۔
ویب ڈیسک
Faiz alam babar
ذریعہ
ذریعہ: Jasarat News
کلیدی لفظ: کی ذمہ داری ہے کرتے ہیں ہیں اور
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان