بی جے پی مختلف طریقوں سے بار بار مہاتما گاندھی کو مارنے کی کوشش کررہی ہے، کانگریس
اشاعت کی تاریخ: 8th, January 2026 GMT
کانگریس لیڈر نے کہا کہ بی جے پی ہر چیز کو فرقہ وارانہ بنانے اور مذہبی زاویہ پر لانے کی کوشش کرتے ہیں لیکن کانگریس پارٹی غریبوں کے حقوق کیلئے لڑ رہی ہے۔ اسلام ٹائمز۔ کانگریس پارٹی نے بی جے پی حکومت کے ذریعہ مہاتما گاندھی نیشنل رورل ایمپلائمنٹ گارنٹی ایکٹ (منریگا) کو ختم کرنے کے خلاف آج جام نگر جموں میں منریگا بچاؤ ورکشاپ کا انعقاد کیا۔ ورکشاپ میں تمام عہدیداران بشمول سابق ریاستی صدور، سینیئر قائدین، ضلع صدور، بلاک صدور اور دیگر نے شرکت کی۔ جموں و کشمیر کے امور کے انچارج آل انڈیا کانگریس کمیٹی کے جنرل سکریٹری ڈاکٹر سید ناصر حسین نے منریگا کو ختم کرنے کو مہاتما گاندھی کے قتل کی بار بار کی کوشش قرار دیا۔ آر ایس ایس اور بی جے پی دونوں ہی ہر چیز کو خوبصورت روشنی میں پیش کرنے کی کوشش کرتے ہیں۔ نام کے ساتھ ایک مسئلہ ہے کیونکہ انہوں نے مہاتما گاندھی کو قتل کیا تھا، لیکن وہ انہیں مختلف طریقوں سے بار بار قتل کرنے کی کوشش کرتے ہیں۔ یہ بات انہوں نے تقریب کے دوران میڈیا سے گفتگو کرتے ہوئے کہی۔
کانگریس لیڈر نے کہا کہ یو پی اے حکومت نے اپنے دور اقتدار میں کئی حقوق پر مبنی قوانین متعارف کروائے تھے اور "منریگا" کے ذریعے دیہی علاقوں میں غیر منظم مزدوروں اور بے روزگار نوجوانوں کو کام کرنے کا حق حاصل ہوا تھا۔ اس قانون کو منسوخ کر کے حکومت نے لاکھوں زرعی مزدوروں، غیر منظم مزدوروں اور بے روزگار نوجوانوں سے کام کرنے کا حق چھین لیا ہے۔ انہوں نے ان کارکنوں کو ملازمتیں فراہم کرنے کی ذمہ داری سے بھی دستبردار ہو گئے ہیں، وہ ہر چیز کو فرقہ وارانہ بنانے اور مذہبی زاویہ پر لانے کی کوشش کرتے ہیں لیکن کانگریس پارٹی غریبوں کے حقوق کے لئے لڑ رہی ہے اور حکومت کی طرف سے چھینے گئے حقوق کو بحال کرنے کے لئے جدوجہد کر رہی ہے۔
ذریعہ
ذریعہ: Islam Times
کلیدی لفظ: کی کوشش کرتے ہیں بی جے پی
پڑھیں:
پٹرول کی قیمت میں 4 روپے اضافے پر شہری مایوس، فوری ریلیف کا مطالبہ
افشاں رضوان:پٹرول کی قیمت میں 4 روپے فی لیٹر اضافے کے بعد شہریوں نے شدید مایوسی کا اظہار کرتے ہوئے حکومت سے فوری ریلیف دینے کا مطالبہ کیا ہے۔
شہریوں کا کہنا ہے کہ مسلسل بڑھتی ہوئی مہنگائی اور ایندھن کی قیمتوں میں اضافے نے ان کی مشکلات میں مزید اضافہ کر دیا ہے, آمدن میں کوئی اضافہ نہیں ہوا، جبکہ روزمرہ اخراجات دوگنا ہو چکے ہیں۔
شہریوں نے حکومت سے مطالبہ کیا ہے کہ پٹرولیم مصنوعات کی قیمتوں پر نظرثانی کرتے ہوئے فوری ریلیف فراہم کیا جائے.
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
تحریکِ تحفظِ آئینِ پاکستان کا پارلیمنٹ ہائوس سے دھرنا ختم