فنکار معاشروں کے درمیان پل بنانے میں کلیدی کردار ادا کرتے ہیں، محمد سلیم
اشاعت کی تاریخ: 8th, January 2026 GMT
کینیڈا میں تعینات پاکستان کے ہائی کمشنر محمد سلیم نے کہا ہے کہ فنکار معاشروں کے درمیان پل بنانے میں کلیدی کردار ادا کرتے ہیں جبکہ ثقافتی نمائش، فنکاروں کے تبادلے اور بین الاقوامی اداروں کے ساتھ تعاون پاکستان کی عوامی سفارت کاری کے اہم ستون ہیں۔
ہائی کمشنر محمد سلیم نے ان خیالات کا اظہار معروف پاکستانی فنکار خلیل نجمی سے ملاقات کے دوران کیا، خلیل نجمی اپنی منفرد میڈیلین پورٹریٹ آرٹ کے باعث بین الاقوامی سطح پر پہچانے جاتے ہیں۔
ملاقات کے دوران خلیل نجمی نے اپنے فنی سفر، میڈیلین پورٹریٹ آرٹ کی اہمیت اور دنیا بھر میں اس فن کی بڑھتی ہوئی مقبولیت پر روشنی ڈالی۔
انہوں نے بتایا کہ یہ منفرد فن تاریخ کے تحفظ، شناخت کے اظہار اور مختلف تہذیبوں کے درمیان مکالمے کو فروغ دینے میں مؤثر کردار ادا کرتا ہے۔
اس موقع پر خلیل نجمی نے بانی پاکستان قائدِاعظم محمدعلی جناحؒ کا ایک شاہکار میڈیلین پورٹریٹ ہائی کمشنر کو پیش کیا گیا۔
ہائی کمشنر محمد سلیم نے فن کو ثقافتی سفارت کاری کا ایک طاقتور ذریعہ قرار دیتے ہوئے خلیل نجمی کی خدمات کو خراجِ تحسین پیش کیا۔
انہوں نے کہا کہ میڈیلین پورٹریچر ایک منفرد فن ہے جو کلاسیکی تکنیک کو جدید اظہار کے ساتھ ہم آہنگ کرتا ہے اور پاکستان کے ثقافتی ورثے کو عالمی سطح پر اجاگر کرنے میں اہم کردار ادا کر رہا ہے۔
.
ذریعہ
ذریعہ: Nawaiwaqt
کلیدی لفظ: ہائی کمشنر محمد سلیم خلیل نجمی
پڑھیں:
پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی
پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی کردی گئی۔
تفصیلات کے مطابق قومی کپتان بابر اعظم اور ویسٹ انڈیز کے کپتان روسٹن چیز نے ٹرافی کی رونمائی کی اور اس کے ساتھ تصاویر بنوائیں۔
ٹرافی کی رونمائی ٹرینیڈاڈ میں واقع برائن لارا کرکٹ اکیڈمی میں کی گئی۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
دونوں ٹیموں کے درمیان پہلا ٹیسٹ میچ 25 جولائی سے شروع ہوگا۔ یہ برائن لارا کرکٹ اکیڈمی میں کھیلا جانے والا پہلا ٹیسٹ میچ ہوگا۔
اس سے قبل اس گراؤنڈ میں محدود اوورز کے انٹرنیشنل میچز سمیت ریجنل فرسٹ کلاس میچز کھیلے جا چکے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم