امریکہ: یوٹاہ میں چرچ کے باہر فائرنگ، 2 ہلاک اور 6 زخمی
اشاعت کی تاریخ: 8th, January 2026 GMT
امریکی ریاست یوٹاہ کے دارالحکومت سالٹ لیک سٹی میں بدھ کی شام ایک المناک واقعہ پیش آیا، جہاں چرچ کے باہر فائرنگ سے دو افراد ہلاک اور چھ دیگر زخمی ہو گئے۔
بین الاقوامی میڈیا رپورٹس کے مطابق پولیس کا کہنا ہے کہ یہ واقعہ چرچ آف جیسس کرائسٹ آف لیٹر ڈے سینٹس کی ایک چیپل کے باہر پیش آیا، جہاں ایک شخص کی آخری رسومات ادا کی جا رہی تھیں۔
پولیس حکام کا کہنا ہے کہ واقعے کے فوری اطلاع ملتے ہی فوراً موقع پر پہنچ گئے اور چرچ کو اپنی تحویل میں لے لیا۔ فائرنگ کے نتیجے میں زخمی ہونے والوں میں سے تین کی حالت تشویشناک بتائی جا رہی ہے، جبکہ دیگر زخمی افراد کو فوری طور پر قریبی اسپتال منتقل کر دیا گیا۔
پولیس کے ترجمان نے بتایا کہ واقعے میں ملوث افراد کی گرفتاری کے لیے تفتیشی ٹیمیں متحرک ہیں اور جلد ہی ذمہ داران کو قانون کے کٹہرے میں لایا جائے گا۔
حکام نے شہریوں سے اپیل کی ہے کہ وہ واقعے کے دوران چرچ اور قریبی علاقوں سے احتیاط کریں اور کسی بھی مشکوک سرگرمی کی اطلاع فوری طور پر پولیس کو فراہم کریں۔
یہ واقعہ شہر میں عمومی حفاظت اور مذہبی اجتماعات کے دوران سلامتی کے مسائل کو اجاگر کرتا ہے، اور مقامی انتظامیہ اس بات کو یقینی بنانے کے لیے اقدامات کر رہی ہے کہ آئندہ ایسے المناک حادثات سے بچا جا سکے۔
پولیس اور مقامی حکام نے متاثرہ خاندانوں کے ساتھ مکمل تعاون کا اعلان کیا ہے اور زخمیوں کی جلد صحتیابی کے لیے ہر ممکن طبی سہولت فراہم کرنے کا یقین دلایا ہے۔
یہ خبر عالمی سطح پر بھی تشویش کا باعث بنی ہوئی ہے اور امریکہ میں شہریوں کی حفاظت اور مذہبی اجتماعات کے دوران سلامتی کے سوالات کو اجاگر کر رہی ہے۔
.
ذریعہ
ذریعہ: Al Qamar Online
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی