جماعت اسلامی ضلع وسطی کا فیملی مشاعرہ ’’شب سخن‘‘ کل شب ناظم آباد میں ہوگا
اشاعت کی تاریخ: 9th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی ضلع وسطی کا دوسرا سالانہ فیملی مشاعرہ ’’شب سخن‘‘ ٹی ایم سی ناظم آباد اور ٹی ایم سی نارتھ ناظم آباد کے اشتراک سے کل بروزہفتہ 10 جنوری 8 بجے شب عید گاہ گراؤنڈ ناظم آباد میں ہوگا۔ ملک کے معروف شعرا کرام اپنا کلام پیش کریں گے جن میں پیرزادہ قاسم، محمود شام، انور شعور، خالد عرفان، تاجدار عادل، فرحت عباس شاہ، شاہنواز فاروقی اور دیگر شامل ہیں۔ مشاعرے کی صدارت سحر انصاری کریں گے جبکہ مہمانِ خصوصی مرکزی نائب امیر ڈاکٹر اسامہ رضی، مہمانِ اعزازی سیف الرحمن ہوں گے۔ قبل ازیں اسی عید گاہ گراؤنڈ میں گل داؤدی کی 3 روزہ نمائش کا افتتاح جمعہ 9 جنوری کو ہوگا اور یہ 11 جنوری تک شام 4 بجے تا رات 10 بجے جاری رہے گی۔ ان دونوں تقاریب میں لوگ اپنے اہل خانہ کے ساتھ شریک ہوں گے۔
ذریعہ
ذریعہ: Jasarat News
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع