بااختیار بلدیاتی نظام قائم، جمہوری قدغنیں ختم کی جائیں: حافظ نعیم
اشاعت کی تاریخ: 9th, January 2026 GMT
لاہور (نوائے وقت رپورٹ) امیر جماعت اسلامی پاکستان حافظ نعیم الرحمن نے کہا کہ بااختیار بلدیاتی نظام قائم کیا جائے۔ جمہوری قدغنیں ختم کی جائیں۔ جامعہ مرکز علوم اسلامیہ منصورہ لاہور میں تقریب تکمیل بخاری سے خطاب اور بعد ازاں میڈیا سے گفتگو کرتے ہوئے انہوں نے کہا کہ ملک میں نوجوانوں کو تعلیم، روزگار دستیاب نہیں، معیشت سود کی جکڑ میں ہے۔ بجلی، تیل، گیس کی قیمتوں میں آئے روز اضافہ ہو رہا ہے اور اس صورتحال میں پنجاب میں بلدیات کا کالا قانون متعارف کرا دیا گیا۔ جماعت اسلامی اس کے خلاف جد وجہد کو فرض سمجھتی ہے۔ نائب امیر ڈاکٹر عطاء الرحمن، امیر لاہور ضیاء الدین انصاری ایڈووکیٹ، شیخ الحدیث مولانا عبدالمالک اور سیکرٹری اطلاعات شکیل ترابی اور دیگر راہنما بھی تقریب میں شریک تھے۔ امیر جماعت اسلامی نے علماء کرام اور طلباء پر زور دیا کہ وہ اقامت دین کی جد وجہد کو تیز کریں، فروعی اختلافات سے بالاتر ہو کر امت کو مشترکات پر اکٹھا کریں۔
.
ذریعہ
ذریعہ: Nawaiwaqt
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار