ہلدی اور کالی مرچ کی چائے وزن گھٹائے
اشاعت کی تاریخ: 9th, January 2026 GMT
سردیوں کے موسم میں وزن بڑھ جانا ایک عام مسئلہ بن جاتا ہے، جس پر قابو پانے کے لیے لوگ ورزش، یوگا اور مختلف ڈائٹس آزماتے ہیں، تاہم ماہرین کے مطابق متوازن غذا کے ساتھ صحت بخش ڈیٹاکس مشروبات وزن کم کرنے کے عمل کو مؤثر بنا سکتے ہیں۔ انہی میں ایک سادہ مگر مفید ہربل مشروب ہلدی اور کالی مرچ کی چائے ہے، جو اضافی کلو کم کرنے میں مدد دے سکتی ہے۔
یہ بھی پڑھیں:سلمنگ انجیکشن چھوڑنے والوں کا وزن کتنے عرصے میں دوبارہ پہلے جتنا ہوجاتا ہے؟
ماہرینِ غذائیت کا کہنا ہے کہ وزن کم کرنے کے لیے سب سے اہم چیز صحت مند غذا اور درست معمول ہے، جبکہ ڈیٹاکس ڈرنکس میٹابولزم کو تیز کرنے اور جسم سے فاضل مادّوں کے اخراج میں معاون ثابت ہوتے ہیں۔ ہلدی اور کالی مرچ کی چائے کو بھی ایک مؤثر ڈیٹاکس مشروب سمجھا جاتا ہے جو وزن گھٹانے کے ساتھ مجموعی صحت کو بہتر بنانے میں کردار ادا کرتی ہے۔
ہلدی میں موجود قدرتی اجزا جیسے فائبر، پروٹین اور دیگر غذائی عناصر ہاضمے کو بہتر بناتے اور میٹابولزم کو فعال رکھتے ہیں۔ اس کے علاوہ ہلدی میں اینٹی انفلیمیٹری، اینٹی آکسیڈنٹ اور جراثیم کش خصوصیات بھی پائی جاتی ہیں، جو جسم سے زہریلے مادّوں کے اخراج میں مدد دے کر وزن کم کرنے کے عمل کو تیز کرتی ہیں۔
یہ بھی پڑھیں:وزن کم کرنے کے لیے نئی مؤثر گولی آگئی، ایف ڈی اے منظوری رواں سال متوقع
دوسری جانب کالی مرچ میں پایا جانے والا جزو پائپرین نظامِ ہاضمہ کو بہتر بناتا اور جسم میں چربی کے جمع ہونے کو کم کرنے میں معاون ہوتا ہے، جبکہ غذائی اجزا کے بہتر جذب میں بھی مدد دیتا ہے۔
ماہرین کے مطابق ہلدی اور کالی مرچ کی چائے بنانا نہایت آسان ہے۔ ایک کپ پانی ابال کر اس میں ایک چائے کا چمچ ہلدی پاؤڈر اور ایک چائے کا چمچ کالی مرچ شامل کریں، چند منٹ دم آنے دیں اور بعد ازاں چھان کر پی لیں۔ ذائقے اور سردیوں میں جسم کو گرم رکھنے کے لیے اس میں تھوڑا سا شہد بھی شامل کیا جا سکتا ہے۔ یہ چائے عموماً صبح کے وقت پینا زیادہ مفید سمجھا جاتا ہے۔
غذائی ماہرین کا کہنا ہے کہ اگرچہ یہ ہربل چائے وزن کم کرنے اور قوتِ مدافعت بڑھانے میں مدد دے سکتی ہے، تاہم کسی بھی ڈیٹاکس مشروب کو باقاعدہ معمول کا حصہ بنانے سے پہلے ماہرِ غذائیت یا ڈاکٹر سے مشورہ کرنا ضروری ہے تاکہ صحت پر کسی منفی اثر سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سبز چائے کالی مرچ کم وزن ہلدی وزن.
ذریعہ
ذریعہ: WE News
کلیدی لفظ: سبز چائے کالی مرچ ہلدی وزن کم کرنے کے کے لیے
پڑھیں:
گوگل کی مالک کمپنی الفابیٹ کا اے آئی پر 80 ارب ڈالر خرچ کرنے کا بڑا فیصلہ
اسلام آباد: مری میں بیچلرز کے داخلے پر پابندی سے متعلق سوشل میڈیا پر گردش کرنے والے دعوؤں کی حقیقت سامنے آگئی ہے۔ مختلف پلیٹ فارمز پر یہ خبریں وائرل ہو رہی تھیں کہ عیدالاضحیٰ سے قبل مری میں غیر شادی شدہ مردوں یا بیچلرز کے داخلے پر مکمل پابندی عائد کر دی گئی ہے، تاہم سرکاری وضاحت نے ان دعوؤں کو غلط قرار دے دیا ہے۔
سوشل میڈیا پوسٹس میں دعویٰ کیا جا رہا تھا کہ دفعہ 144 کے نفاذ کے بعد مری شہر میں صرف فیملیز کو داخلے کی اجازت ہوگی جبکہ بیچلرز کو مکمل طور پر روک دیا گیا ہے۔ تاہم ضلعی انتظامیہ کے مطابق ایسی کوئی پابندی پورے مری شہر پر نافذ نہیں کی گئی۔
انتظامیہ کا کہنا ہے کہ پابندی صرف مال روڈ کے مخصوص حصے تک محدود تھی، جہاں سیاحوں کے رش اور نظم و ضبط کو برقرار رکھنے کے لیے اکیلے آنے والے مردوں اور بیچلرز گروپس کے داخلے پر عارضی پابندی لگائی گئی تھی۔ فیملیز کو معمول کے مطابق مال روڈ جانے کی اجازت دی گئی تھی۔
ایڈیشنل ڈپٹی کمشنر (جنرل) مری کامران صغیر کے مطابق دفعہ 144 کا اطلاق صرف مال روڈ تک محدود تھا اور 31 مئی تک نافذ رہی۔ ان کا کہنا تھا کہ مری شہر میں آنے والے تمام سیاحوں کے لیے راستے کھلے تھے اور بیچلرز کے شہر میں داخلے پر کوئی مکمل پابندی نہیں تھی۔
ضلعی انتظامیہ کی جانب سے جاری نوٹیفکیشن میں بھی واضح کیا گیا تھا کہ یہ اقدام صرف سیاحتی سہولیات بہتر بنانے اور ہجوم کو منظم رکھنے کے لیے کیا گیا تھا۔
اس طرح مری میں بیچلرز کے داخلے پر پابندی کے حوالے سے وائرل ہونے والا دعویٰ حقیقت کے برعکس ثابت ہوا۔ مری بدستور تمام سیاحوں کے لیے کھلا ہے جبکہ پابندی صرف مال روڈ کے مخصوص علاقے تک محدود رہی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ