برطانیہ برفانی طوفان ’گوریٹی‘ کی لپیٹ میں: اسکول بند، ٹرانسپورٹ متاثر
اشاعت کی تاریخ: 9th, January 2026 GMT
برطانیہ شدید برفانی طوفان ’گوریٹی‘ کی زد میں ہے، جس نے ملک کے کئی حصوں میں زندگی کو مفلوج کردیا ہے۔ تیز ہوائیں، شدید برفباری اور ناقابل پیشگوئی موسم نے شہریوں کو گھروں تک محدود کر دیا ہے، جبکہ سڑکیں اور ریلوے سروسز شدید متاثر ہو رہی ہیں۔
مزید پڑھیں: منگولیا میں برفانی طوفان اور شدید سردی سے 30 لاکھ مویشی ہلاک، ملک میں ایمرجنسی نافذ
برطانیہ کے متعدد اسکول بند کر دیے گئے ہیں جبکہ ہنگامی خدمات کے اداروں کو شہریوں کو محفوظ رکھنے کے لیے الرٹ جاری کر دیا گیا ہے۔ برطانوی میڈیا کے مطابق لندن، مانچسٹر اور اسکات لینڈ کے کچھ حصوں میں برفباری کی شدت کے سبب حادثات بھی رپورٹ ہوئے ہیں۔
ماہرین نے شہریوں سے کہا ہے کہ وہ غیر ضروری سفر سے گریز کریں اور حفاظتی اقدامات اپنائیں، کیونکہ طوفان گوریٹی آئندہ 2 دن تک ملک پر اثر ڈالنے کا امکان ہے۔
ماہرین کے مطابق یہ طوفان حالیہ برسوں میں سب سے شدید موسمی ایمرجنسی ثابت ہو سکتا ہے، اور شہریوں کو محفوظ رہنے کے لیے مکمل تیار رہنا چاہیے۔
برفانی طوفان کو گوریٹی کا نام کیوں دیا گیابرطانیہ میں جاری شدید برفانی طوفان کو “Storm Goretti” کا نام دیا گیا ہے، جس کی وجہ یورپی موسمیاتی ماہرین کی ایک مشترکہ روایت ہے۔ فرانس کے محکمہ موسمیات (Météo-France) نے سال کے پہلے شدید طوفان کو یہ نام دیا، جو بعد میں برطانیہ سمیت دیگر یورپی ممالک میں بھی استعمال ہوا۔
مزید پڑھیں: امریکا میں طوفانی بگولوں سے ہلاکتوں کی تعداد 26 ہوگئی
ماہرین کے مطابق طوفانوں کو نام دینے کا مقصد عوام کو جلد اور مؤثر انداز میں متنبہ کرنا اور خبردار کرنا ہے، تاکہ شہری اور ایمرجنسی سروسز بہتر تیاری کر سکیں۔ طوفان کے نام عام طور پر خواتین اور مردوں کے ناموں کی فہرست سے منتخب کیے جاتے ہیں، جو ہر سال یورپی موسمیاتی اداروں کی جانب سے تیار کی جاتی ہے۔
Storm Goretti نے فرانس میں پہلے ہی شدید برفباری اور تیز ہواؤں کا سلسلہ شروع کر دیا ہے، جس کے باعث پیرس کے ائیرپورٹس پر 15 فیصد پروازیں منسوخ ہو گئیں۔ برطانیہ میں بھی طوفان گوریٹی نے شمالی اسکاٹ لینڈ میں 5 سے 10 سینٹی میٹر برفباری کردی، جبکہ یلو آئس وارننگ جاری کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Storm Goretti برطانیہ برفانی طوفان طوفان ’گوریٹی‘.
ذریعہ
ذریعہ: WE News
کلیدی لفظ: برطانیہ برفانی طوفان طوفان گوریٹی برفانی طوفان
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم