’کیس نمبر 9‘ کی آخری قسط، صبا قمر کا خواتین کے حق میں طاقتور پیغام
اشاعت کی تاریخ: 9th, January 2026 GMT
مقبول پاکستانی ڈرامہ سیریل ’کیس نمبر 9‘ اپنی آخری قسط کے ساتھ اختتام پذیر ہوگیا، جس پر مرکزی اداکارہ صبا قمر نے مداحوں کے لیے ایک مضبوط اور بامعنی پیغام شیئر کیا ہے۔
صبا قمر نے انسٹاگرام پر ڈرامے کی آخری قسط کا ایک کلپ شیئر کیا، جس میں وہ ایک پُراثر مکالمہ ادا کرتے ہوئے بالخصوص خواتین کو اپنے حقوق اور انصاف کے لیے آواز اٹھانے کی ترغیب دیتی نظر آتی ہیں۔
ویڈیو کے ساتھ اداکارہ نے ایک تفصیلی پیغام تحریر کیا، جس میں انہوں نے صحافی نعیم حنیف کی جانب سے لگائے گئے بےبنیاد الزامات پر عوامی معذرت کے بعد اپنی خاموشی بھی توڑی۔
صبا قمر نے لکھا کہ میں نے دونوں کیسز جیت لیے ہیں، کیس نمبر 9 اور کیس نمبر 0۔
View this post on InstagramA post shared by ???????????????? ???????????????????? (@sabaqamarzaman)
اداکارہ نے مزید کہا کہ ’میں کسی پر تنقید یا الزام لگانا نہیں چاہتی، میں صرف ایک ایسی بات شیئر کرنا چاہتی ہوں جو میرے دل کے بہت قریب ہے، ایک معاشرے کے طور پر ہمیں زیادہ مہربان اور ذمہ دار ہونا سیکھنا ہوگا، خواتین کی کامیابیوں پر سوال اٹھانے، انہیں بےعزت کرنے یا جھوٹی کہانیوں کے ذریعے نیچا دکھانے کے بجائے ان کا ساتھ دینا چاہیے، اصل ترقی ایک دوسرے کو اوپر اٹھانے میں ہے، گرانے میں نہیں۔‘
جھوٹے الزامات کا حوالہ دیتے ہوئے انہوں نے لکھا کہ ’ایک وقت تھا جب میرے بارے میں جھوٹے بیانات دیے گئے، جس کے بعد معذرت کی گئی، معذرت اپنی جگہ اہم ہے، مگر ہمیں یہ سوال خود سے ضرور کرنا چاہیے کہ کیا کسی عورت کی عزت کو بغیر حقائق اور تصدیق کے مجروح کیا جانا چاہیے؟ اس شعور کی اشد ضرورت ہے۔‘
اپنے پیغام کے اختتام پر صبا قمر نے کہا ’میں پورے وقار اور خلوص کے ساتھ کہتی ہوں کہ خواتین کا احترام کسی صورت قابلِ سمجھوتہ نہیں۔ میں سچ کے ساتھ کھڑی رہی، اسی لیے انصاف غالب آیا۔ آئیں ہم سب سچ، ہمدردی اور انصاف کا انتخاب کریں، یہ پیغام مثبت سوچ، دیانت داری اور سچائی کے جذبے کے تحت ہے۔‘
واضح رہے کہ نومبر میں صحافی نعیم حنیف نے ایک پوڈکاسٹ میں شرکت کے دوران صبا قمر سے متعلق ایک بےبنیاد دعویٰ کیا تھا، جس میں انہوں نے اداکارہ کے لاہور میں لِیو اِن ریلیشن شپ میں ہونے کا جھوٹا الزام لگایا تھا۔
بعدازاں نعیم حنیف نے عوامی طور پر معذرت کرتے ہوئے اعتراف کیا کہ ان کا بیان غیر مصدقہ اور حقائق کے برعکس تھا۔
.
ذریعہ
ذریعہ: Daily Mumtaz
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ