چین میرے دورِ صدارت میں تائیوان پر حملہ نہیں کرے گا: ٹرمپ
اشاعت کی تاریخ: 9th, January 2026 GMT
امریکی صدر ڈونلڈ ٹرمپ نے کہا ہے کہ ان کے دورِ صدارت کے دوران چین کے صدر شی جن پنگ تائیوان کے خلاف فوجی کارروائی نہیں کریں گے۔
نیویارک ٹائمز کو دیے گئے ایک انٹرویو میں صدر ٹرمپ نے کہا کہ تائیوان کے معاملے پر چین کا اپنا مؤقف ہے اور شی جن پنگ تائیوان کو چین کا حصہ سمجھتے ہیں، تاہم ان کے خیال میں چینی صدر ان کے دورِ حکومت میں کسی فوجی اقدام کی طرف نہیں جائیں گے۔
انہوں نے کہا کہ تائیوان کے حوالے سے چین کیا فیصلہ کرتا ہے یہ بیجنگ کی قیادت پر منحصر ہے، لیکن امریکا تائیوان کے خلاف کسی بھی کارروائی پر خوش نہیں ہوگا۔ ٹرمپ نے امید ظاہر کی کہ چین تائیوان کے خلاف فوجی قدم اٹھانے سے گریز کرے گا۔
روس کے ساتھ جوہری معاہدے سے متعلق سوال پر امریکی صدر نے کہا کہ اگر امریکا اور روس کے درمیان نیو اسٹارٹ معاہدہ ختم ہوتا ہے تو ہونے دیا جائے، تاہم مستقبل میں کسی نئے جوہری معاہدے میں چین کو بھی شامل کیا جانا چاہیے۔
واضح رہے کہ امریکا اور روس کے درمیان نیو اسٹارٹ معاہدہ 5 فروری کو اختتام پذیر ہو رہا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل تائیوان کے نے کہا
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم