کراچی میں ڈاکوؤں کی فائرنگ سے نوجوان جاں بحق
اشاعت کی تاریخ: 9th, January 2026 GMT
کراچی میں ایک نوجوان ڈاکوؤں کو فرار ہونے سے روکنے کے دوران ڈاکوؤں کی فائرنگ سے جاں بحق ہوگیا ہے۔
تفصیلات کے مطابق پلاسٹک کی تھیلوں کی دکان میں ڈکیتی کی واردات انجام دیکر فرارہونے والے ملزمان گڑھے میں گرگئے جنہیں نوجوان نے پکڑنے کی کوشش کی تو ڈاکوؤں نے فائرکرکے نوجوان کوقتل کردیا اورفرارہوگئے۔
مقتول نوجوان چار بہن بھائیوں میں سب سے بڑا اور والدین کا سہارا تھا، آئی جی سندھ نے ڈکیتی کے دوران مزاحمت پر نوجوان کے قتل کا نوٹس لے لیا ہے اور ڈی آئی جی ایسٹ سے واقع کی رپورٹ طلب کرلی ہے۔
جمعے کی صبح ضلع کورنگی کے الفلاح تھانے کے علاقے شمسی سوسائٹی البدرسوسائٹی میں فرار ہوتے ڈاکوؤں نے فائرنگ کرکے نوجوان کو قتل کردیا جس کی لاش فوری طور پر چھیپا ایمبولینس کے ذریعے جناح اسپتال منتقل کی گئی جہاں مقتول نوجوان کی شناخت 25 سالہ محمد شعیب ولد محمد اسلم کے نام سے کی گئی ہے۔
واقعے کی اطلاع پر الفلاح پولیس موقع پر پہنچ گئی اورپولیس نے جائے وقوع سے دو خول سمیت واقعاتی شواہد اکٹھا کر لیے۔ ایس ایچ او الفلاح راؤعمیرنے ایکسپریس نیوزنے بتایا کہ مقتول نوجوان محمد شعیب کی پلاسٹک کی تھیلوں اور ڈسپوزیبل ایٹم کی دکان ہے۔ مقتول نوجوان صبح سویرے اپنی دکان کھول رہا تھا کہ اسی دوران موٹر سائیکل پر سوار 2 ڈکیت موقع پر پہنچ گئے۔
ڈاکو اسلحے کے زور پر دکان سے 10 سے 15 ہزارروپے لوٹ کر فرار ہو رہے تھے کہ دکان سے کچھ فاصلے پرلاہورکوٹل کے سامنے موٹرسائیکل ڈاکوگڑھے میں گر گئے جنہیں پکڑنے کے لیے قریبی ہوٹل پربیٹھے شہری بھاگے۔
اس دوران مقتول نوجوان بھی اپنی دکان سے بھاگتا ہوا گڑھے میں گرے ہوئے ڈکیتوں کو پکڑنے کے لیے پہنچ گیا۔ اس دوران نوجوان شعیب نے ڈاکوؤں سے ہاتھا کی اور ایک ڈاکو کا ماسک بھی اترگیا جس پر ڈاکوؤں نے فائرنگ کردی جس کے باعث نوجوان گلے میں گولی لگنے سے موقع پر جاں بحق ہوگیا جبکہ مسلح ڈاکو موقع پر سے فرارہوگیا۔
ایس ایچ او نے بتایا کہ پولیس نے جائے وقوع سے گولیوں کے خول اور واقعاتی شواہد اکٹھا کر لیے ہیں جبکہ واقعے کی سی سی ٹی وی فوٹیج حاصل کرنے کی کوشش کی جا رہی ہے۔
مقتول شعیب کے چھوٹے بھائی محمد سہیل نے بتایا کہ اس کے بھائی کے پاس دو سے ڈھائی لاکھ روپے موجود تھے جو کہ وہ بینک میں جمع کرانے جا رہا تھا ، انھون نے بتایاکہ علاقہ میں پولیس کا گشت نہ ہونے کے برابر ہے۔ پولیس آئی ہے اور اپنا خرچہ لیکر چلی جاتی ہیں۔ اگر آج علاقے میں پولیس ہوتی ان کا بھائی زندہ ہوتا۔
مقتول کے بھائی نے مطالبہ کیا ہے اس کے بھائی کے قتل میں ملوث ملزمان کو فل الفور گرفتار کیاجائےاور انہیں سخت سے سخت سزا دی جائے۔
.
ذریعہ
ذریعہ: Express News
کلیدی لفظ: مقتول نوجوان ڈاکوو ں
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
پاکستان نے ورلڈ کپ 2028 کیلیے براہ راست کوالیفائی کر لیا