جاپان نے پاکستانی اساتذہ کے لیے ٹیچرز ٹریننگ اسکالرشپ کا اعلان کر دیا
اشاعت کی تاریخ: 9th, January 2026 GMT
پاکستان میں جاپان کے سفارتخانے نے وزارتِ تعلیم، ثقافت، کھیل، سائنس اور ٹیکنالوجی (MEXT) کے تحت ٹیچرز ٹریننگ اسکالرشپ پروگرام 2026 کا اعلان کر دیا۔
یہ بھی پڑھیں: آزاد کشمیر: خواتین کے لیے منفرد سرکاری ٹریننگ پروگرام
یہ اسکالرشپ ان پاکستانی اساتذہ کے لیے ہے جن کے پاس پرائمری یا سیکنڈری سطح پر سرکاری یا نجی تعلیمی اداروں میں کم از کم 5 سالہ تدریسی تجربہ موجود ہو۔ درخواست دہندگان کی عمر 35 سال یا اس سے کم ہونی چاہیے۔
اس تربیتی پروگرام کا مقصد پاکستانی اساتذہ کو جاپان میں اسکول ایجوکیشن سے متعلق تحقیق کا موقع فراہم کرنا ہے جہاں وہ جاپانی ماہرین سے جدید تدریسی طریقہ کار اور نئی تعلیمی تکنیکیں سیکھ سکیں گے جو ان کی پیشہ ورانہ صلاحیتوں میں اضافے کا باعث بنیں گی۔
یہ پروگرام ہر سال بین الاقوامی اساتذہ کو جاپان کے منتخب تعلیمی اداروں میں ٹیچر ٹریننگ اسٹوڈنٹس کے طور پر اسکول ایجوکیشن پر تحقیق کے لیے اسکالرشپس فراہم کرتا ہے۔
مزید پڑھیے: گوگل کا مفت آئی ٹی ٹریننگ پروگرام، اب پاکستانی نوجوان 5 لاکھ روپے تک کما سکیں گے
یہ ایک نان ڈگری تربیتی پروگرام ہے جس کی زیادہ سے زیادہ مدت 18 ماہ ہے تاہم کورس کی تکمیل پر امیدوار کو جاپانی یونیورسٹی کی جانب سے سرٹیفکیٹ جاری کیا جائے گا۔
اس اسکالرشپ کے لیے درخواستیں جمع کرانے کی آخری تاریخ 12 فروری 2026 ہے۔
مزید پڑھیں: سندھ پولیس کیجانب سے نجی سیکیورٹی گارڈز کوٹریننگ دینے کا فیصلہ، مگر کیوں؟
پروگرام سے متعلق مزید تفصیلات جاپان کے سفارتخانے کی ویب سائٹ پر دیکھی جا سکتی ہیں۔
https://www.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیچرز ٹریننگ اسکالرشپ پروگرام 2026 جاپان وزارتِ تعلیم، ثقافت، کھیل، سائنس اور ٹیکنالوجی
ذریعہ
ذریعہ: WE News
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
ٹی20 ورلڈ کپ 2026: پاکستان نے سپر 8 کے لیے جگہ پکی کر لی