جلسے کیلئے فیس جمع کرا دی، اجازت سیکیورٹی کلیئرنس سے مشروط ، ارسلان خالد
اشاعت کی تاریخ: 9th, January 2026 GMT
کراچی (نیوزڈیسک) پاکستان تحریک انصاف نے کراچی میں باغ جناح جلسے کیلئے 25 لاکھ روپے فیس تو جمع کروا دی ہے لیکن اجازت کو سیکیورٹی کلیئرنس سے مشروط کر دیا گیا ہے ۔
تفصیلات کے مطابق پی ٹی آئی نے باغ جناح جلسے کیلئے 25 لاکھ روپے کا پے آرڈر جمع کروا دیا ہے ، 20 لاکھ روپے جلسہ کی فیس جبکہ 5 لاکھ سیکیورٹی ڈپازٹ کے طور پر جمع کروائے گئے ہیں۔
جلسے کیلئے فیس جنرل سیکرٹری کراچی ارسلان خالد نے جمع کروائی۔ مزار قائد انتظامیہ کے مطابق پے آرڈرز وصول کر لیے،باضابطہ اجازت کے لیے ضلع انتظامیہ کا اجازت نامہ درکار ہے، ضلعی انتظامیہ کی اجازت کے بعد حتمی منظوری کے لیے وفاقی حکومت کو بھیجا جائےگا۔
.
ذریعہ
ذریعہ: Daily Mumtaz
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار