کراچی:لاسی گوٹھ میں میاں بیوی بے دردی سے قتل
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
260110-08-14
کراچی (اسٹاف رپورٹر) لاسی گوٹھ میں غیرت کے نام پرمیاں بیوی کو بے رحمی سے قتل کر نے کا مقدمہ سہراب گوٹھ تھانے میں مقتول کے بھائی کی مدعیت میں درج کر لیا گیا ہے، جس میں مقتولہ کے تین بھائیوں اور ایک کزن کو نامزد کیا گیا ہے۔پولیس کے مطابق
مقتول نصر اللہ نے سال 2025 میں اپنی مرضی سے شادی کی تھی، جس پر مقتولہ کے اہل خانہ، بالخصوص اس کے بھائی شدید ناراض تھے۔ ایف آئی آر کے متن میں کہا گیا ہے کہ اس رنجش کے باعث مقتول جوڑے کو مسلسل دھمکیاں دی جا رہی تھیں۔ مدعی مقدمہ نے پولیس کو دیے گئے بیان میں بتایا کہ واقعے کے روز وہ خود بھی اپنے بھائی اور بھابھی کے گھر موجود تھا کہ اچانک مقتولہ کا بھائی فدا حسین پستول لے کر گھر میں داخل ہوا۔ اس کے ساتھ منظور علی اور رزاق بھی اسلحہ تھامے اندر آئے، جبکہ شمن علی کے ہاتھ میں چھری تھی۔ مدعی کے مطابق ملزمان نے وحشیانہ انداز میں پہلے فائرنگ کی اور اس کے بعد چھریوں کے وار کر کے میاں بیوی کو شدید زخمی کیا۔ دونوں مقتولین کے جسموں پر گولیوں کے نشانات اور چاقو کے متعدد زخم پائے گئے، جو حملے کی شدت اور بے رحمی کو ظاہر کرتے ہیں۔مقدمے میں بتایا گیا ہے کہ فائرنگ کے دوران مدعی بمشکل جان بچا کر موقع سے فرار ہوا اور شور مچایا، جس پر محلے دار جمع ہوگئے۔ تاہم ملزمان ہوائی فائرنگ کرتے ہوئے فرار ہو گئے۔پولیس کے مطابق مقتولہ موقع پر ہی جاں بحق ہو گئی، جبکہ نصر اللہ کو شدید زخمی حالت میں اسپتال منتقل کیا جا رہا تھا کہ وہ راستے میں دم توڑ گیا۔ لاشوں کو قانونی کارروائی کے بعد ورثا کے حوالے کر دیا گیا ہے۔ سہراب گوٹھ پولیس کا کہنا ہے کہ مقدمہ درج کر کے نامزد ملزمان کی گرفتاری کے لیے چھاپے مارے جا رہے ہیں۔
ذریعہ
ذریعہ: Jasarat News
کلیدی لفظ: گیا ہے
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ