خدمت پر یقین، کارکن پیپلزپارٹی کی طاقت ہیں: گورنر پنجاب
اشاعت کی تاریخ: 10th, January 2026 GMT
لاہور (نیوز رپورٹر) گورنر پنجاب سلیم حیدر خان نے کہا ہے کہ پیپلز پارٹی عوامی خدمت پر یقین رکھتی ہے۔ پارٹی ورکرز اور کارکن ہماری طاقت ہیں، انہیں اکیلا نہیں چھوڑیں گے۔ ہم نے اپنی طاقت اور محنت سے بلاول بھٹو کو وزیر اعظم بنانا ہے۔ یہ بات انہوں نے گورنر ہائوس لاہور میں سید دائود علی گیلانی کی قیادت میں وفد سے ملاقات کے دوران کہی۔ اس موقع پر مختلف سیاسی جماعتوں کے کارکنوں نے پیپلز پارٹی میں باضابطہ شمولیت کا اعلان کیا۔ گورنر پنجاب نے شمولیت اختیار کرنے والوں کا خیر مقدم کیا۔ انہوںنے کہا پیپلز پارٹی اداروں کی مضبوطی، آئین و قانون کی بالادستی پر یقین رکھتی ہے۔ پنجاب میں اپنا کھویا ہوا مقام جلد حاصل کرے گی۔
.
ذریعہ
ذریعہ: Nawaiwaqt
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع