وزیراعلیٰ پنجاب مریم نواز شریف کا انقلابی ویژن: پنجاب کے ہر ڈسٹرکٹ کےلئے کارڈیک کیتھ لیب پراجیکٹ
اشاعت کی تاریخ: 10th, January 2026 GMT
وزیراعلیٰ پنجاب مریم نواز شریف نے صوبے میں صحت کے شعبے میں ایک تاریخی اقدام کرتے ہوئے پنجاب کے ہر ضلع میں جدید ترین کارڈیک کیتھ لیب قائم کرنے کے ویژن کا اعلان کیا ہے۔ اس منصوبے کا مقصد دل کے مریضوں کو ان کے اپنے اضلاع میں بروقت اور معیاری علاج کی سہولت فراہم کرنا ہے۔ وزیراعلیٰ کی ہدایت پر جھنگ، میانوالی اور اوکاڑہ میں کارڈیک کیتھ لیبز کو جلد فعال کر دیا جائے گا، جبکہ فیز ٹو کے تحت بھکر، چکوال، حافظ آباد، خانیوال، منڈی بہاؤالدین، راجن پور اور ٹوبہ ٹیک سنگھ میں بھی جدید کیتھ لیبز قائم کی جائیں گی۔ کیتھ لیبز میں انجیوگرافی، انجیو پلاسٹی اور پرائمری پی سی آئی جیسی جدید سہولیات دستیاب ہوں گی۔ وزیراعلیٰ مریم نواز شریف کے مطابق کیتھ لیب کے قیام سے 60 سے 90 منٹ کے اندر ہسپتال پہنچنے والے مریض کی جان بچانا ممکن ہو سکے گا۔ انہوں نے کہا کہ ہارٹ ایمرجنسی کی صورت میں اگر مریض 90 منٹ کے اندر ضلعی کارڈیالوجی مرکز پہنچ جائے تو اس کی جان بچائی جا سکتی ہے اور اب مریضوں کو ہارٹ اٹیک کی ایمرجنسی میں دور دراز بڑے شہروں کا رخ نہیں کرنا پڑے گا۔ وزیراعلیٰ نے ضلعی کارڈیالوجی سنٹرز میں انٹروینشنل کارڈیالوجسٹس اور تربیت یافتہ عملے کی تعیناتی کے لیے اقدامات شروع کرنے کی ہدایت بھی جاری کی ہے، جبکہ کیتھ لیب میں فرائض انجام دینے والے ڈاکٹروں کے لیے خصوصی پے پیکیج دینے کا فیصلہ کیا گیا ہے۔ مریم نواز شریف کا کہنا تھا کہ ہر ضلع میں قائم ہونے والی اسٹیٹ آف دی آرٹ کارڈیک کیتھ لیبز میں عالمی ایس او پیز کے مطابق امراض قلب کا بہترین علاج فراہم کیا جائے گا۔ جدید علاج سے دل کی بیماریوں سے پیدا ہونے والی پیچیدگیوں سے بھی بچاؤ ممکن ہوگا۔ انہوں نے کہا کہ ضلعی سطح پر کیتھ لیبز کے قیام سے ہیلتھ کیئر سسٹم میں نمایاں بہتری آئے گی اور بڑے ہسپتالوں پر مریضوں کا بوجھ کم ہوگا۔ وزیراعلیٰ نے کہا کہ کبھی کسی نے تصور بھی نہیں کیا تھا کہ ڈی ایچ کیو ہسپتالوں میں کیتھ لیب قائم ہوں گی اور دل کے مریضوں کا علاج ممکن ہوگا۔ وزیراعلیٰ پنجاب مریم نواز شریف نے اس عزم کا اعادہ کیا کہ پنجاب کے ہر شہری کو معیاری اور بہترین علاج کی سہولت اس کی دہلیز پر فراہم کرنے کا وعدہ ہر صورت پورا کیا جائے گا۔
.
ذریعہ
ذریعہ: Nawaiwaqt
کلیدی لفظ: مریم نواز شریف کیتھ لیبز
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی