کراچی روانگی کے دوران رکاوٹوں کا سامنا، جلسہ ہر صورت ہوگا، سہیل آفریدی
اشاعت کی تاریخ: 11th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: تحریک انصاف کے رہنما سہیل آفریدی نے الزام عائد کیا ہے کہ حیدرآباد سے کراچی واپسی کے دوران ان کے قافلے کو جان بوجھ کر شدید رکاوٹوں کا سامنا کرنا پڑا، جس کے باعث معمول کا سفر ساڑھے سات گھنٹوں میں طے کرنا پڑا۔
کراچی پہنچنے کے بعد جاری ویڈیو پیغام میں سہیل آفریدی کا کہنا تھا کہ حیدرآباد سے روانگی کے بعد ان کا راستہ مختلف مقامات پر روکا گیا اور انہیں دانستہ طور پر ویران اور غیر معمولی راستوں کی طرف موڑا گیا،یہ تمام اقدامات انہیں کراچی پہنچنے سے روکنے کے لیے کیے گئے۔
انہوں نے کہا کہ تمام تر مشکلات کے باوجود وہ بحفاظت کراچی پہنچ چکے ہیں اور اعلان کیا کہ پارٹی کا جلسہ ہر صورت ہوگا۔
دوسری جانب یہ امر قابلِ ذکر ہے کہ کراچی کے ڈپٹی کمشنر ایسٹ کی جانب سے پاکستان تحریک انصاف کو باغِ جناح میں جلسے کی اجازت دے دی گئی ہے، اس کے باوجود پی ٹی آئی نے مزارِ قائد کے گیٹ کے قریب جلسہ منعقد کرنے کا اعلان کر رکھا ہے۔
شہر میں سیکیورٹی کے سخت انتظامات کیے جا رہے ہیں جبکہ صورتحال پر انتظامیہ اور سیاسی حلقے گہری نظر رکھے ہوئے ہیں۔
ذریعہ
ذریعہ: Jasarat News
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان