وزیراعلیٰ سندھ نے سہیل آفریدی کے ساتھ ملاقات سے معذرت کرلی
اشاعت کی تاریخ: 11th, January 2026 GMT
وزیراعلیٰ خیبرپختونخوا سہیل آفریدی کی ہم منصب مراد علی شاہ سے ملاقات منسوخ ہو گئی ہے۔ وزیراعلیٰ سندھ مراد علی شاہ نے سہیل آفریدی سے پیر کو طے شدہ ملاقات سے معذرت کر لی ہے۔ ذرائع کے مطابق ملاقات تحریک انصاف کے کراچی جلسے سے قبل منسوخ کی گئی۔
دوسری جانب وزیراعلیٰ خیبرپختونخوا سہیل آفریدی نے الزام عائد کیا ہے کہ حیدرآباد سے کراچی واپسی کے دوران ان کے راستے میں جان بوجھ کر رکاوٹیں ڈالی گئیں، جس کی وجہ سے انہیں ساڑھے سات گھنٹے لگا کر کراچی پہنچنا پڑا۔
انہوں نے اپنے ویڈیو پیغام میں بتایا کہ ان کے قافلے کو ویران راستوں پر دھکیل دیا گیا اور مجبوراً وہ انہی راستوں سے ہو کر کراچی پہنچے۔
سہیل آفریدی نے کہا کہ وہ کراچی پہنچ چکے ہیں اور جلسہ ضرور ہوگا۔
After spending seven and a half exhausting hours on the road through the night, the CM of KP finally reached his destination.
Despite extreme fatigue and barely being able to speak, CM Sohail Afridi delivered a clear and… pic.twitter.com/w00R64vfVP
— PTI Canada Official (@PTIOfficialCA) January 11, 2026
واضح رہے کہ کراچی کے ڈپٹی کمشنر ایسٹ نے پاکستان تحریک انصاف کو باغ جناح میں جلسے کی مشروط اجازت دے دی ہے۔
ذریعہ
ذریعہ: Daily Mumtaz
کلیدی لفظ: سہیل آفریدی
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا