شادی کی خوشیاں ماتم میں بدل گئیں، سلنڈر دھماکے سے دلہا دلہن سمیت 6 افراد جاں بحق
اشاعت کی تاریخ: 11th, January 2026 GMT
اسلام آباد: جی سیون ٹو آبپارہ میں شادی کی تقریب کے دوران گیس سلنڈر دھماکے سے المناک حادثہ پیش آیا، جس کے نتیجے میں دلہا دلہن سمیت 6 افراد جاں بحق جبکہ 8 افراد زخمی ہو گئے۔
ریسکیو حکام کے مطابق دھماکا اتنا شدید تھا کہ شادی کا گھر مکمل طور پر منہدم ہو گیا جبکہ ملبہ قریبی گھروں تک جا گرا، جس سے مجموعی طور پر 4 مکانات متاثر ہوئے۔ ملبے تلے دبے افراد کو نکالنے کے لیے پولیس اور ریسکیو ٹیموں نے فوری طور پر امدادی کارروائیاں شروع کیں۔
ریسکیو ذرائع کا کہنا ہے کہ جاں بحق اور زخمی افراد کو فوری طور پر قریبی اسپتال منتقل کر دیا گیا ہے، جہاں بعض زخمیوں کی حالت تشویشناک بتائی جا رہی ہے۔
پولیس کے مطابق حادثہ رات تقریباً دو بجے پیش آیا، جب بارات دلہن کے گھر پہنچی اور شادی کی تقریب جاری تھی۔ اسی دوران گیس سلنڈر اچانک پھٹ گیا، جس سے زور دار دھماکا ہوا اور عمارت زمین بوس ہو گئی۔
واقعے کے بعد علاقے میں خوف و ہراس پھیل گیا جبکہ پولیس نے علاقے کو گھیرے میں لے کر تحقیقات شروع کر دی ہیں، ابتدائی طور پر دھماکے کی وجہ گیس سلنڈر لیکیج بتائی جا رہی ہے تاہم حتمی وجوہات کا تعین تحقیقات مکمل ہونے کے بعد کیا جائے گا۔
انتظامیہ نے شہریوں سے اپیل کی ہے کہ شادی بیاہ اور دیگر تقریبات میں گیس سلنڈر کے استعمال کے دوران حفاظتی اقدامات کو یقینی بنایا جائے تاکہ اس قسم کے حادثات سے بچا جا سکے۔
.
ذریعہ
ذریعہ: Al Qamar Online
کلیدی لفظ: پاکستان کھیل گیس سلنڈر
پڑھیں:
گرمی کی شدت میں اضافہ ہوتے ہی بجلی مزید مہنگی ہونے کا امکان
لاہور ( اُردو پوائنٹ اخبارتازہ ترین۔ 02 جون2026ء ) گرمی کی شدت میں اضافہ ہوتے ہی بجلی مزید مہنگی ہونے کا امکان۔ تفصیلات کے مطابق بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔ سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے، جس کے باعث توانائی کے شعبے کو مختلف چیلنجز کا سامنا رہا۔ سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔(جاری ہے)
حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔ سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ