ایران میں پُرتشدد مظاہرے بے قابو ،217 افراد ہلاک،2500گرفتار
اشاعت کی تاریخ: 11th, January 2026 GMT
کئی شہروں میں توڑ پھوڑ ،سرکاری عمارتوں،مساجد، دکانوں کو نقصان پہنچا،گاڑیوں کو آگ لگادی، بادشاہت کے حق میں نعرے لگانیوالوں نے سڑکیں بلاک کردیں،پولیس اسٹیشن پر حملے، کئی اہلکار زخمی
مشتعل مظاہرین نے 26 بینکوں، 2 اسپتالوں، 25 مساجد، پولیس تنصیبات اور 48 فائر ٹرکوں کو نقصان پہنچایا، زنجان میں فسادات، املاک پر حملوں میںخواتین کی بڑی تعداد شریک تھی، ایرانی میڈیا
امریکی میڈیا نے دعویٰ کیا ہے کہ ایران میں پرتشدد مظاہروں کے دوران اموات کی تعداد 217 ہوگئی ہے، کئی شہروں میں سرکاری عمارتوں، دکانوں اور مساجد کو نقصان پہنچا۔بادشاہت کے حق میں نعرے لگانے والوں نے سڑکیں بلاک کیں،پولیس اسٹیشنز پر حملے کیے، حملوں میں کئی اہلکار زخمی ہوئے ہیں۔ امریکی میڈیا کے مطابق صرف تہران میں مظاہروں کیدوران اموات کی تعداد 217 ہوگئی ہے تاہم ایرانی حکام نے اس تعداد کی تصدیق نہیں کی۔ ایرانی میڈیا نے فسادات کے دوران بدھ اور جمعرات کو 4 اہلکار جاں بحق ہونے کی تصدیق کی گئی ہے۔ مظاہرین نے صوبے خوزستان میں مقدس مقام کی بے حرمتی بھی کی جس کے خلاف لوگوں نے شدید احتجاج کیا۔ مظاہرین نے 26 بینکوں، 2 اسپتالوں، 25 مساجد، پولیس تنصیبات اور 48 فائر ٹرکوں کو نقصان پہنچایا ہے۔ میڈیا رپورٹس کے مطابق پرتشدد مظاہرے کرنے والوں نے ایمبولینسوں پر بھی حملے کیے، بسوں اور شہریوں کی گاڑیوں کو بھی آگ لگائی گئی ہے۔ فسادات اور املاک پر حملوں میں ملوث عناصر کیخلاف زنجان میں بھی بڑا مظاہرہ کیا گیا جس میں خواتین کی بڑی تعداد بھی شریک تھی۔ مظاہرین قومی پرچم اور سپریم لیڈر آیت اللّٰہ خامنہ ای کی تصاویر اٹھائے ہوئے تھے۔ علاوہ ازیں قم، یزد، لورستان اور خوزستان سمیت کئی دیگر مقامات پر بھی نماز جمعہ کے بعد مظاہرے کیے گئے۔
.
ذریعہ
ذریعہ: Juraat
کلیدی لفظ: کو نقصان
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ