چیف جسٹس امین الدین خان نے وفاقی آئینی عدالت کی نئی عمارت کا افتتاح کردیا
اشاعت کی تاریخ: 12th, January 2026 GMT
وفاقی آئینی عدالت کو باضابطہ طور پر وفاقی شرعی عدالت کی عمارت میں منتقل کر دیا گیا ہے۔
اس موقع پر چیف جسٹس وفاقی آئینی عدالت جسٹس امین الدین خان نے دیگر ججز کے ہمراہ نئی عمارت کا افتتاح کیا۔
یہ بھی پڑھیں: عدالتی اصلاحات کی جانب اہم قدم، آئینی عدالت کی ملک گیر توسیع کا منصوبہ
افتتاحی تقریب میں وفاقی وزیر قانون اعظم نذیر تارڑ، اٹارنی جنرل منصور عثمان اعوان، صدر سپریم کورٹ بار ہارون الرشید اور سینئر وکلاء نے شرکت کی۔
تقریب میں جسٹس حسن اظہر رضوی، جسٹس عامر فاروق، جسٹس کے کے آغا، جسٹس علی باقر نجفی، جسٹس روزی خان اور جسٹس ارشد حسین بھی شریک ہوئے۔
وفاقی آئینی عدالت کی منتقلی کے بعد عدالت کے تین بینچز نے وفاقی شرعی عدالت کی عمارت میں باقاعدہ طور پر مقدمات کی سماعت شروع کر دی ہے۔
مزید پڑھیں: آئین کی تشریح شفافیت، آزادی اور دیانت کے ساتھ کی جائے گی، چیف جسٹس آئینی عدالت امین الدین
چیف جسٹس امین الدین خان کی سربراہی میں قائم تین رکنی بینچ اس وقت سپر ٹیکس سے متعلق اہم مقدمات کی سماعت کر رہا ہے۔
عدالتی حلقوں کے مطابق نئی عمارت میں منتقلی سے وفاقی آئینی عدالت کے انتظامی اور عدالتی امور میں مزید بہتری آئے گی اور سائلین کو بھی سہولیات میسر ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افتتاح جسٹس امین الدین خان چیف جسٹس وفاقی آئینی عدالت وفاقی شرعی عدالت.
ذریعہ
ذریعہ: WE News
کلیدی لفظ: افتتاح جسٹس امین الدین خان چیف جسٹس وفاقی ا ئینی عدالت وفاقی شرعی عدالت جسٹس امین الدین خان وفاقی آئینی عدالت عدالت کی چیف جسٹس
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
وزارت آئی ٹی نے 1.67 ارب روپے سے زاید کے فنڈز طلب کرلیے