کراچی: ڈکیتی کی 100 سے زائد وارداتوں میں ملوث 2 ملزمان گرفتار
اشاعت کی تاریخ: 12th, January 2026 GMT
data-id="863a0a8" data-element_type="widget" data-widget_type="theme-post-content.default">
شہر کراچی میں اے وی ایل سی پولیس نے سنئیر اینٹی لفٹنگ سیل کی کارروائی کے دوران دو مشتبہ ملزمان کو گرفتار کر کے متعدد چوری شدہ اشیاء برآمد کی ہیں۔
نجی ٹی وی کی رپورٹ کے مطابق گرفتار ملزمان صدام حسین ولد کریم بخش اور تابش ولد غلام منگھوپیر کے رہائشی ہیں اور وہ شہر میں پچھلے چار برسوں سے موٹر سائیکل چوری اور موبائل فون چھیننے کی متعدد وارداتوں میں ملوث رہے ہیں۔
رپورٹ کے مطابق پولیس کا کہنا ہے کہ گرفتار ملزمان نے اب تک تقریباً 80 سے 90 قیمتی موبائل فون چھینے اور دو درجن سے زائد موٹر سائیکلیں چوری کی ہیں۔
پولیس نے بتایا کہ ان کے قبضے سے دو موٹر سائیکلیں، ایک آئی فون اور ایک انفینکس موبائل فون برآمد ہوئے، جن میں سے ایک موٹر سائیکل تھانہ زمان ٹاؤن اور دوسری تھانہ فیروز آباد کے علاقوں سے چوری شدہ تھی۔ موبائل فونز بھی واردات کے دوران منگھوپیر کے مختلف علاقوں سے چھینے گئے تھے۔
ای وی ایل سی پولیس کے حکام کا کہنا ہے کہ ملزمان چوری شدہ موٹر سائیکلیں اور چھینے گئے موبائل فونز بلوچستان کے علاقے حب میں فروخت کیا کرتے تھے، جس سے شہر میں ہونے والی وارداتوں کی مالیت میں اضافہ ہوتا رہا۔
پولیس حکام نے مزید بتایا کہ دوران تفتیش ملزمان نے اپنے جرائم کا اعتراف کیا اور کہا کہ وہ کئی سنگین وارداتوں میں ملوث ہیں۔
حکام کا کہنا ہے کہ ملزمان سے مزید تفتیش جاری ہے اور اس کے ساتھ دیگر متعلقہ افراد کی گرفتاری کے امکانات بھی ہیں، تاکہ اس نیٹ ورک کو مکمل طور پر ختم کیا جا سکے۔
پولیس کی اس کامیاب کارروائی سے شہر میں بڑھتے ہوئے اسٹریٹ کرائم اور چوری کی وارداتوں کے خلاف سخت پیغام دیا گیا ہے کہ کوئی بھی مجرمانہ سرگرمی بے جا نہیں رہ سکتی۔
ذریعہ
ذریعہ: Jasarat News
کلیدی لفظ: موبائل فون
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ