ممبر سازی ایپ تیار کرلی،کراچی میں 10 لاکھ ممبر بنائیں گے،منعم ظفر خان
اشاعت کی تاریخ: 13th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)امیر جماعت اسلامی کراچی منعم ظفر خان نے کہا ہے کہ جماعت اسلامی کراچی نے ممبرسازی ایپ تیا رکرلی ہے ، رواں ماہ شہر بھر میں 10لاکھ ممبران بنائیں گے ہر یوسی 4ہزار ممبران بنائے گی، پورے شہر میں کیمپ لگائے جائیں گے، شہر بھر میں خدمت خلق کے لیے عوامی کمیٹیوں کا جال بچھائیں گے ،اسپورٹس کمیٹیاں بناکر نوجوانوں کو صحت مند سرگرمیوں سے منسلک کریں گے۔ان خیالات کا اظہار انہوں نے جماعت اسلامی ضلع سائٹ غربی کے تحت منعقدہ اجتماع کارکنان سے خطاب کرتے ہوئے کیا ، اجتماع کارکنان سے امیر ضلع ڈاکٹر نور الحق ، جامعہ ستاریہ کے شیخ القرآن والحدیث مولانا عبد العظیم حسن زئی ، قیم ضلع راشد خان ، نائب امرا ضلع سید سلطان روم ، نذر محمد برکی و دیگر ذمے داران نے بھی خطاب کیا ۔ منعم ظفر خان نے کہا کہ جماعت اسلامی کی پبلک ایڈ کمیٹیاں اپنے ساتھ عوامی کمیٹیوں کو لیکر چلیں گی اور ہر گلی ہر محلے میں خدمت خلق کا کام انجام دیں گی ۔مقامی مسائل کو ایڈریس کیا جائے گا اور اس کو حل کرنے کی بھر پور کوشش کی جائے گی ، شہر میں بہت سارے مسائل ہیں بجلی کا مسئلہ ہے ، پانی کا مسئلہ ہے ، گیس کا مسئلہ ہے ، اسٹریٹ کرائم اور منشیات کے مسائل ہیں لوگوں کو ان مسائل سے نجات کے لیے مدد کریں گے ،ان کی داد رسی کریں گے ۔ انہوں نے ذمے داران کو ہدایت کی کہ ماہ رمضان کے استقبال کی بھر پور تیاری کی جائے اور ہر گھر تک جماعت اسلامی کی دعوت پہنچانے کا اہتمام کیا جائے ، ممبر سازی اورعوامی کمیٹیوں کا جائزہ لیں اور کمیٹیوں کے عہدیداران و ممبران کی تربیت کریں ،ہر کمیٹی کو فعال کریں،یہ ذمے داران کا کام ہے کہ ان کمیٹیوں سے کام لے ، لوگوں تک پہنچنا ہے اور ان کے جائز مسائل کے حل کے لیے جدوجہد کرنی ہے۔ انہوں نے کہا کہ جماعت اسلامی ہمارے پاس امانت ہے اس امانت کی پاسداری ہم سب کی ذمے داری ہے ، اقامت دین کی جدوجہد فرض اور سنت بنویؐ ہے،ہم ایک اسلامی تحریک سے وابستہ ہیں جو جتنا بڑا ذمے دار ہے اس کی ذمے داری اتنی ہی زیادہ ہے، بدی کے مقابلے میں خیر کی قوت کو منظم اور مجتمع کرنا ہے ، انہوں نے کہا کہ میں اہل کراچی سے اپیل کرتا ہوں کہ شہر کراچی کی تعمیر کے لیے جماعت اسلامی کے ممبر ز بنیں ، ملک میں جب بھی کوئی مسئلہ آیا جماعت اسلامی کے کارکنان سب سے آگے نظرآتے ہیں ۔
امیر جماعت اسلامی کراچی منعم ظفر خان ‘ امیر ضلع سائٹ غربی ڈاکٹر نورالحق، ضلعی قیم راشد خان اور مفتی عبدالعظیم سائٹ غربی کے اجتماع کارکنان سے خطاب کررہے ہیں
ذریعہ
ذریعہ: Jasarat News
کلیدی لفظ: جماعت اسلامی انہوں نے نے کہا کے لیے
پڑھیں:
سعودی عرب کے ساتھ دفاعی معاہدے کے پابند ہیں اور اس کی پاسداری کریں گے: پاکستان
پاکستان نے یمن کے حوثی گروپ کی جانب سے سعودی آئل ٹینکر پر حملے اور بحیرہ احمر میں تجارتی جہاز رانی کو درپیش خطرات کی پرزور الفاظ میں مذمت کی ہے اور سعودی عرب کی سلامتی و خودمختاری کے لیے اپنی مکمل حمایت کا اعادہ کیا ہے۔وزیراعظم شہباز شریف نے جمعرات کو سعودی عرب کے ولی عہد شہزادہ محمد بن سلمان سے ٹیلی فونک رابطہ کر کے بحرِ احمر میں سعودی آئل ٹینکرز پر حوثی ملیشیا کے حملے کی شدید الفاظ میں مذمت کی۔وزیراعظم نے حملے کو بزدلانہ اقدام قرار دیتے ہوئے کہا کہ ”ایسے اقدامات قطعی ناقابلِ قبول ہیں. یہ بین الاقوامی قانون کی صریح خلاف ورزی ہیں، جہاز رانی اور تجارتی نقل و حمل کی آزادی کے لیے خطرہ ہیں اور علاقائی امن، سلامتی اور استحکام کو نقصان پہنچاتے ہیں“۔وزیراعظم نے سعودی عرب کے ساتھ پاکستان کی مکمل یکجہتی کا اظہار کرتے ہوئے کہا کہ میں خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور مملکت کے برادر عوام کے ساتھ مضبوطی اور عزم کے ساتھ کھڑے ہیں۔انہوں نے مزید یقین دہانی کرائی کہ پاکستان مملکت سعودی عرب کی سلامتی، خودمختاری اور علاقائی سالمیت کی مکمل حمایت کرتا ہے اور بحرِ احمر، آبنائے ہرمز اور خطے میں سمندری تجارت کی روانی کو یقینی بنانے کے لیے عالمی برادری اور سعودی عرب کے ساتھ مل کر کام کرتا رہے گا۔گفتگو کے دوران سعودی ولی عہد شہزادہ محمد بن سلمان نے پاکستان کی اس مستقل حمایت اور دونوں ممالک کے درمیان قائم قریبی برادرانہ تعلقات کی تعریف کی۔ اس موقع پر وزیراعظم پاکستان نے خادمِ حرمین شریفین، شاہ سلمان بن عبدالعزیز آل سعود کے لیے بھی نیک خواہشات اور خیر سگالی کے جذبات کا اظہار کیا۔
دوسری جانب، دفترِ خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران گفتگو کرتے ہوئے کہا کہ ”گزشتہ ہفتے بھی حوثیوں کی جانب سے حملہ کیا گیا تھا. جس کی وزیراعظم پاکستان نے فوری مذمت کرتے ہوئے سعودی عرب کے ساتھ مکمل یکجہتی کا اظہار کیا تھا“۔طاہر اندرابی نے کہا کہ ہمارے بحری جہازوں پر حملہ ریڈلائن ہوگی. ہم سعودی عرب کے ساتھ باہمی دفاعی معاہدے کے پابند ہیں اور سعودی عرب کے ساتھ تمام معاہدوں کی پاسداری کریں گے۔انہوں نے خبردار کیا کہ یمن کے مسلح گروہوں کی جانب سے سعودی عرب پر ایسے حملے خطے میں پہلے سے موجود کشیدگی کو مزید بڑھا سکتے ہیں، اس لیے پاکستان تمام فریقین سے تحمل کا مظاہرہ کرنے اور مسائل کا پرامن حل سفارتی راستے سے نکالنے کی اپیل کرتا ہے۔خطے میں امن قائم کرنے اور کشیدگی کم کرنے کے لیے پاکستان نے اپنی سفارتی رفت و آمد میں بھی اضافہ کر دیا ہے۔ترجمان کے مطابق حال ہی میں ایران کے وزیر داخلہ اسکندر مومنی نے پاکستان کا دورہ کیا، جہاں انہوں نے وزیراعظم، فیلڈ مارشل اور وفاقی وزیر داخلہ سمیت اعلیٰ قیادت سے ملاقاتیں کیں تاکہ علاقائی سیکیورٹی کی صورتحال پر تبادلہ خیال کیا جا سکے۔اس کے علاوہ پاکستان اور کویت کے وزرائے خارجہ کے درمیان رابطہ ہوا، جبکہ منیلا میں آسیان ریجنل فورم کے موقع پر نائب وزیراعظم اور وزیر خارجہ اسحاق ڈار نے مصر، عمان، فلپائن، روس اور بنگلہ دیش کے وزرائے خارجہ سے الگ الگ اہم ملاقاتیں کیں۔ان ملاقاتوں کی تفصیل بتاتے ہوئے ترجمان نے کہا کہ ”مصر کے وزیر خارجہ سے ملاقات میں دونوں رہنماؤں نے تمام ممالک کی علاقائی سالمیت اور خودمختاری کے احترام پر زور دیا، جبکہ عمان کے وزیر خارجہ نے خطے میں کشیدگی کے خاتمے اور امن و استحکام کے لیے پاکستان کے سفارتی کردار کو سراہا“۔اس کے ساتھ ساتھ روس کے وزیر خارجہ سرگئی لاوروف اور بنگلہ دیش کے وزیر خارجہ خلیل الرحمان سے بھی باہمی تعلقات اور تعاون کو آگے بڑھانے پر بات چیت کی گئی۔ترجمان دفترِ خارجہ نے مزید بتایا کہ پاکستان کے نائب وزیراعظم و وزیر خارجہ اسحاق ڈار اب شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے بشکیک پہنچیں گے. جہاں ان کی کرغزستان کے صدر اور دیگر رکن ممالک کے وزرائے خارجہ سے ملاقاتیں متوقع ہیں۔ترجمان نے یہ بھی بتایا کہ کینیڈا کی وزیر خارجہ انیتا آنند نے بھی حال ہی میں پاکستان کا دورہ کیا ہے، جو گزشتہ بیس سالوں میں کسی کینیڈین وزیر خارجہ کا پہلا دورہ تھا اور اس دوران دونوں ممالک کے درمیان دوطرفہ تعلقات کی مضبوطی کے لیے اعلیٰ سطح پر بات چیت کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا