جماعت اسلامی بلوچستان کا حکومتی پالیسیوں پر تنقید، عوامی حقوق کے تحفظ کا عزم
اشاعت کی تاریخ: 12th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: جماعت اسلامی بلوچستان کے امیر مولانا ہدایت الرحمن نے دیگر رہنماؤں کے ہمراہ کراچی پریس کلب میں پریس کانفرنس کرتے ہوئے کہا کہ بلوچستان کے عوام کے حقوق کے لیے جماعت اسلامی کا عزم مضبوط ہے، بلوچستان کے عوام کو جبر اور زور زبردستی کے ذریعے قابو نہیں کیا جا سکتا، بلکہ ان کے دل محبت سے جیتے جا سکتے ہیں۔
مولانا ہدایت الرحمن نے بلوچستان کے عوام کے لیے تعلیم، روزگار، اور امن کی فراہمی کی اہمیت پر زور دیتے ہوئے کہا کہ حکومتی سطح پر بلوچستان کے عوام کو کچھ نہیں دیا گیا، حالانکہ اس صوبے سے سب کچھ لیا جا رہا ہے، بلوچستان میں اس وقت بدترین ڈکٹیٹرشپ قائم ہے اور اسلام آباد کے حکمران ظلم و جبر کے ذریعے بلوچستان پر قبضہ کرنے کی کوشش کر رہے ہیں لیکن ہم انہیں ایسا کرنے نہیں دیں گے۔
انہوں نے مزید کہا کہ بلوچستان میں حکومتی سطح پر وسائل کا غلط استعمال ہو رہا ہے اور وہاں کے عوام کو نہ تو آئینی حقوق مل رہے ہیں اور نہ ہی انہیں صحت، تعلیم اور روزگار کی سہولتیں فراہم کی جا رہی ہیں، بلوچستان کے معدنی ذخائر سے فائدہ اٹھایا جا رہا ہے مگر اس صوبے کو پسماندگی کی دلدل میں دھکیل دیا گیا ہے۔
بلوچستان کے مسائل پر تفصیل سے بات کرتے ہوئے مولانا ہدایت الرحمن نے کہا کہ بلوچستان کی 46 فیصد نوجوان آبادی روزگار یا تعلیمی سرگرمیوں سے محروم ہے اور 65 فیصد بچے اسکولوں سے باہر ہیں، صوبے میں 21 فیصد آبادی بے روزگار ہے، اور 59 فیصد گھروں میں پانی کی سہولت تک دستیاب نہیں ہے، علاوہ ازیں 80 فیصد علاقوں میں پولیس رولز لاگو نہیں ہیں، اور 64 فیصد گھرانے کچی چھتوں پر گزارا کر رہے ہیں۔
مولانا ہدایت الرحمن نے حکومت سے مطالبہ کیا کہ بلوچستان کے عوام کے لیے فوری طور پر آئینی حقوق، تعلیم، صحت کی سہولتیں، اور روزگار کی فراہمی یقینی بنائی جائے، بلوچستان کو عزت ملنی چاہیے اور وہاں کے عوام کو پاکستان سے محبت کی سزا نہیں ملنی چاہیے۔
انہوں نے کہا کہ بلوچستان کے عوام کو غلام نہیں سمجھا جا سکتا، بلکہ وہ سچے پاکستانی ہیں اور ان کے حقوق کی حفاظت کرنا حکومت کی ذمہ داری ہے، بلوچستان میں سی پیک کے تحت ترقی کے بہت مواقع ہیں، خاص طور پر گوادر بندرگاہ کے حوالے سے جو نہ صرف پاکستان کی معاشی ترقی کے لیے اہم ہے بلکہ اس کی جغرافیائی اہمیت بھی بہت زیادہ ہے۔
مولانا ہدایت الرحمن نے مزید کہا کہ بلوچستان کے مسائل پر جماعت اسلامی آئین اور قانون کے دائرے میں رہ کر احتجاج کرے گی اور اس بات کا عہد کیا کہ بلوچستان کے عوام کی آواز کو بلند کیا جائے گا تاکہ ان کے حقوق کا تحفظ کیا جا سکے۔
ذریعہ
ذریعہ: Jasarat News
کلیدی لفظ: مولانا ہدایت الرحمن نے کہ بلوچستان کے عوام کہا کہ بلوچستان جماعت اسلامی کے عوام کو کے لیے
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم