بچوں کی صحت کے منصوبے پر پاکستان اور جاپان میں گرانٹ معاہدہ طے
اشاعت کی تاریخ: 13th, January 2026 GMT
جاپانی حکومت نے جنوبی پنجاب میں بچوں کی صحت کی سہولیات بہتر بنانے کے لیے پاکستان کو 2.91 ارب جاپانی ین، جو تقریباً 18.62 ملین امریکی ڈالر کے برابر ہیں، کی گرانٹ فراہم کرنے کا اعلان کیا ہے۔
نجی ٹی وی کے مطابق اس سلسلے میں حکومتِ پاکستان اور جاپان کے درمیان باقاعدہ گرانٹ معاہدے پر دستخط کر دیے گئے ہیں، جسے دونوں ممالک کے درمیان صحت کے شعبے میں اہم پیش رفت قرار دیا جا رہا ہے۔
ترجمان اقتصادی امور کے مطابق یہ مالی معاونت جاپانی انٹرنیشنل کوآپریشن ایجنسی کے ذریعے فراہم کی جائے گی۔ منصوبے کے تحت ملتان میں واقع چلڈرن اسپتال اور انسٹی ٹیوٹ آف چائلڈ ہیلتھ کو جدید طبی سہولیات سے آراستہ کیا جائے گا تاکہ جنوبی پنجاب کے لاکھوں بچوں کو بہتر اور معیاری علاج کی سہولت میسر آ سکے۔
اقتصادی امور ڈویژن کے ترجمان نے بتایا کہ انسٹی ٹیوٹ آف چائلڈ ہیلتھ ملتان خطے کا سب سے بڑا چائلڈ ٹرشری کیئر اسپتال ہے، جہاں دور دراز علاقوں سے شدید بیماریوں میں مبتلا بچے لائے جاتے ہیں۔ اس منصوبے کے تحت اسپتال میں طبی آلات، سہولیات اور علاج کی مجموعی استعداد میں اضافہ کیا جائے گا، جس سے بچوں کی صحت کی دیکھ بھال کے نظام کو مزید مؤثر بنایا جا سکے گا۔
ایکسچینج آف نوٹس کی تقریب میں پاکستان کی جانب سے سیکرٹری اقتصادی امور محمد حمیر کریم نے معاہدے پر دستخط کیے جب کہ جاپان کی جانب سے پاکستان میں تعینات سفیر اکا ماتسو شوئچی نے دستخط کیے۔ اس موقع پر دونوں ممالک کے نمائندوں نے دوطرفہ تعاون کو سراہتے ہوئے منصوبے کی بروقت اور شفاف تکمیل کے عزم کا اظہار کیا۔
حکومتِ پاکستان نے جاپانی حکومت اور عوام کی اس قیمتی معاونت پر شکریہ ادا کرتے ہوئے یقین دہانی کرائی کہ منصوبے کے کامیاب نفاذ کے لیے ہر ممکن سہولت فراہم کی جائے گی۔ حکام کا کہنا تھا کہ صحت کے شعبے میں یہ تعاون نہ صرف بچوں کی جانیں بچانے میں مدد دے گا بلکہ جنوبی پنجاب جیسے پسماندہ خطے میں طبی ڈھانچے کو مضبوط بنانے کا ذریعہ بھی بنے گا۔
جاپانی سفیر اکا ماتسو شوئچی نے اس موقع پر کہا کہ جاپان حکومتِ پاکستان کے ساتھ قریبی تعاون جاری رکھے گا ۔ دونوں ممالک کے درمیان دوستانہ تعلقات اور دوطرفہ شراکت داری کو مزید وسعت دی جائے گی۔ انہوں نے کہا کہ جاپان پاکستان میں صحت، تعلیم اور انسانی ترقی کے شعبوں میں تعاون کو مستقبل میں بھی اہمیت دیتا رہے گا تاکہ عام عوام کو براہِ راست فائدہ پہنچایا جا سکے۔
.
ذریعہ
ذریعہ: Al Qamar Online
کلیدی لفظ: پاکستان کھیل بچوں کی
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع