عام دوا سے پیچیدہ حیاتیاتی ادویہ
اشاعت کی تاریخ: 13th, January 2026 GMT
مریض کےلیے دوا کی ہر خوراک ایک امید ہے۔ معمولی دوا اور اہم دوا کہہ کر ہم سوچنے کا زاویہ بدل دیتے ہیں۔ سستی دوا اور مہنگی دوا، سادہ دوا اور لگژری دوا کا نام دے کر ہم ابھرتے خیالات کی اجزا ترکیبی کو آلودہ کردیتے ہیں۔
آئیے، لہروں کے رجحان کو دل سے دیکھتے ہیں، سمجھنے کی کوشش کرتے ہیں کہ ایک صحتمند شخص کو مہنگی ترین سانس لینے کی دوا مفت تحفے میں دی جائے، کیا وہ یہ دوا کھائے گا؟ کسی توانا دوست کو مفت میں ہوٹل کی جگہ اسپتال کے مہنگے ترین کمرے کی پیشکش ہو، کیا وہ دوست وہاں قیام کرے گا، کسی چلتے پھرتے دوڑتے شہری کو اسپتال کے انتہائی نگہداشت میں نصب وینٹی لیٹر بلا قیمت دستیاب ہو، کیا وہ شہری آلات اپنے اوپر استعمال کرے گا؟
گفتگو پھیل رہی ہے، سمیٹتا ہوں۔ اس تیزی سے دماغ میں الفاظ کلبلاتے ہیں کہ کیا بتاؤں، برقی تختہ سیاہ کی رفتار ہمارے خیالات کی رفتار سے کم از کم دس گناہ کم ہے۔ کسی ذرے کی حرکت پر نظر رکھوں تو اس کی جسامت دھندلی ہوجاتی ہے۔ پانی کے بلبلوں کے مانند ابھرتا، پھیلتا اوجھل ہوجاتا ہے۔
موضوع یہ تھا کہ چند روپے والا پیراسیٹامول ہو یا لاکھوں روپے والا مونوکلونل اینٹی باڈیز، ضرورت پڑنے پر مریض کےلیے اہم ہے اور کہیں لازمی۔ بیماری تو کسی کا انتخاب نہیں اور نا ہی کسی کی خواہش ہے، درد کا کوئی مذہب، قومیت، کسی قسم کی درجہ بندی سے تعلق نہیں۔ آپ بزنس کلاس میں سفر کرتے ہیں یا پسینہ کی بو میں رچی بسی عوامی بس میں۔ درد بے رحم اور سفاک ہے۔ خیال کیجیے، انسانیت کےلیے علاج کو آسان اور باوقار رکھیے۔
سماج میں پھیلے طبی درد کا مجموعی حجم ہو یا اس کا وزن، ہم ختم نہیں کم کرسکتے ہیں اور کم کرنے کےلیے احساس کو یکجا کرنا اتنا ہی ضروری ہے جتنا دھوپ کےلیے سورج کا نکلنا۔
علم الادویہ کے دوستو، مونو کلونل اینٹی باڈیز ہوں یا سیلولر تھراپی، اٹھیں کمر کسیں، یہاں اپنے شہر میں ان ادویات کو بنانے کا ارادہ کریں۔ اپنے ملک میں ہی بنانے کا حوصلہ کریں۔ اس للکار کو قبول کریں اور اس میں بھی سرمایہ کاری کریں۔ آپ کا اعتماد، آپ کا یقین اور آپ کی نیت رائیگاں نہیں جائے گی۔ اور چلی بھی گئی تو کیا، خالی ہاتھ ہی آئے تھے اور خالی ہاتھ ہی جانا ہے۔ خیال ایک ہی کریں کہ اداکاروں سے دور رہیں، کیلے کے چھلکوں پر دانستاً پاؤں نہ رکھیں، عزت و احترام صرف سچائی کےلیے۔
یاد رکھیے، اچھی نیت سے کیا ہوا برا کام کبھی اچھا نہیں ہوگا اور نہ ہی بری نیت سے کیا ہوا اچھا کام۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 800 سے 1,200 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
.
ذریعہ
ذریعہ: Express News
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی