73ارب ہدف، ایکسائز نے 6 ماہ میں37 ارب روپے سے زائد جمع کر لیے
اشاعت کی تاریخ: 13th, January 2026 GMT
لاہور(نیوزڈیسک) محکمہ ایکسائزپنجاب نے رواں مالی سال کے پہلےچھ ماہ میں ریکارڈ 37 ارب روپے سے زائد حاصل کرلئے، 56 فیصد کےساتھ لاہور ریجن پہلے نمبر پررہا۔
محکمہ ایکسائز پنجاب کے دستاویزات کے مطابق نئے مالی سال کے لیے 73 ارب سے زائد کا ہدف رکھا گیا تھا جس میں سے محکمے نے 6 ماہ کے دوران 37 ارب سےزائد کاہدف حاصل کرلیا، دستاویزات کے مطابق وہیکل ٹیکس سے 18 ارب،پراپرٹی ٹیکس سے 16 ارب روپے ارب ٹیکس اکٹھا کیا گیا۔ایکسائز نےچھ ماہ کےدوران ہدف کا 51 فیصد حصہ حاصل کیا۔مجموعی کاکردگی میں لاہور56 فیصد ٹیکس کولیکشن کے ساتھ پہلے نمبرپررہا 16 ارب روپے حاصل کئے گئے۔ گزشتہ سہ ماہی میں محکمہ ایکسائز پنجاب چھ ماہ کے دوران 26 ارب روپے حاصل کرسکا تھا۔
ذریعہ
ذریعہ: Daily Mumtaz
کلیدی لفظ: ارب روپے
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
بھارت سے جنگ اور افغانستان میں کارروائی خارج ازامکان نہیں، وزیردفاع