برطانیہ نے گوانتانامو بے میں قید فلسطینی شہری کو ناجائز تشدد کرنے کے بدلے ہرجانہ ادا کر دیا
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
برطانوی حکومت نے امریکی حراستی مرکز گوانتانامو بے میں 20 سال سے قید فلسطینی شہری ابوزبیدہ کو تشدد کا نشانہ بنانے کے بدلے ہرجانہ ادا کیا ہے۔
حکومتِ برطانیہ کے مطابق ابوزبیدہ کو ناجائز تشدد کے معاملے میں “معقول معاوضہ” دیا گیا ہے۔
برطانوی میڈیا کی رپورٹس کے مطابق یہ واضح نہیں ہو سکا کہ ابوزبیدہ کو کتنی رقم بطور معاوضہ دی گئی ہے۔
ابوزبیدہ کا اصل نام زین العابدین محمد حسین ہے اور وہ سعودی عرب میں پیدا ہوئے تھے۔ انہیں مارچ 2002 میں پاکستان کے شہر فیصل آباد سے گرفتار کیا گیا تھا، جو کہ پرویز مشرف کے دور حکومت کا حصہ تھا۔
ابوزبیدہ کی قانونی ٹیم نے برطانوی حکومت کے خلاف تشدد میں معاونت کے الزام پر مقدمہ دائر کیا تھا، اور برطانوی عدالت نے 2023 میں حکومت کے خلاف فیصلہ سنانے کے بعد یہ مالی معاہدہ طے پایا۔
واضح رہے کہ امریکہ نے ابوزبیدہ کو القاعدہ کا اعلیٰ رکن قرار دیا تھا اور دعویٰ کیا تھا کہ وہ نائن الیون حملوں کے بعد اہم معلومات فراہم کرنے والا تھا، تاہم بعد میں امریکہ نے یہ الزامات واپس لے لیے اور ابوزبیدہ کو بغیر کسی مقدمے کے 20 سال سے زائد عرصہ قید میں رکھا گیا۔
ذریعہ
ذریعہ: Jasarat News
کلیدی لفظ: ابوزبیدہ کو
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے