پاکستان کو دنیا کی ٹاپ 10 معیشتوں میں شامل کرنے کا ہدف ہے: احسن اقبال
اشاعت کی تاریخ: 14th, January 2026 GMT
— فائل فوٹو
وفاقی وزیر ترقی و منصوبہ بندی احسن اقبال نے کہا ہے کہ پاکستان کو دنیا کی ٹاپ 10 معیشتوں میں شامل کرنے کا ہدف ہے۔
پاکستان پالیسی ڈائیلاگ سے خطاب کرتے ہوئے احسن اقبال نے کہا ہے کہ پاکستان ایک ایٹمی قوت ہے، آج دنیا بھر میں جے ایف17 طیارے فروخت کر رہا ہے۔
وفاقی وزیر کا کہنا ہے کہ ٹریکٹر سازی، آٹو موبائل اور انجینئرنگ سیکٹر میں پاکستان نے نمایاں ترقی کی ہے مگر دنیا سے موازنہ کریں تو ہماری کامیابیاں ماند پڑ جاتی ہیں، اب اگلی منزل کو دیکھنا ہوگا۔
وفاقی وزیر ترقی و منصوبہ بندی احسن اقبال نے کہا ہے کہ پچھلے سال سے ٹیکس ریونیو 10 فیصد بڑھا،جولائی تا دسمبر ایف بی آر نے 6200 ارب روپےٹیکس جمع کیا۔
ان کا کہنا ہے کہ 1980 میں چین کی فی کس آمدنی ہم سے کم تھی، آج وہ ہم سے بہت آگے نکل چکا ہے۔ ویتنام کی ایکسپورٹ 408 ارب ڈالر تک پہنچ گئی ہے، ہم اب بھی 40 ارب ڈالر پر کھڑے ہیں۔
انہوں نے کہا کہ ملک میں جامعات اور شاہراہوں کا جال بچھنا بڑی کامیابی ہے مگر عالمی مقابلہ ابھی باقی ہے۔
احسن اقبال نے کہا کہ سی پیک صرف سڑکوں کا نام نہیں، یہ پاکستان کی تقدیر بدلنے کا منصوبہ ہے، ہمیں سیاسی اختلافات سے بالاتر ہوکر معاشی پالیسیوں میں تسلسل لانا ہوگا۔
ان کا کہنا ہے کہ نوجوان پاکستان کا سب سے بڑا اثاثہ ہیں، انہیں جدید ٹیکنالوجی سے آراستہ کرنا ترجیح ہے۔ عالمی منڈی میں جگہ بنانے کے لیے ہمیں اپنی برآمدات پر توجہ دینی ہوگی۔
انہوں نے کہا کہ ماضی کی غلطیوں سے سیکھ کر ہمیں ایک مستحکم اور خوشحال پاکستان کی بنیاد رکھنی ہے، تعلیم اور تحقیق کے بغیر کوئی بھی قوم ترقی کی دوڑ میں شامل نہیں ہوسکتی۔
.
ذریعہ
ذریعہ: Jang News
کلیدی لفظ: احسن اقبال نے نے کہا
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے