افسران کی کارکردگی جانچنے کے لیے جامع نظام کی سفارشات مرتب کی جائیں، وزیراعظم کی ہدایت
اشاعت کی تاریخ: 14th, January 2026 GMT
وزیراعظم پاکستان شہباز شریف نے ہدایت کی ہے کہ وفاقی سیکریٹریز سمیت افسران کی کارکردگی جانچنے کے لیے ایک جامع اور مؤثر نظام کی سفارشات مرتب کی جائیں۔
وزیراعظم پاکستان شہباز شریف کی زیر صدارت مجوزہ سول سروسز اصلاحات اور وزارتوں میں کارکردگی کی جانچ کے نظام سے متعلق سفارشات پر جائزہ اجلاس منعقد ہوا۔
مزید پڑھیں: گلگت بلتستان کو آفت زدہ قرار دیا جائے، وزیراعلیٰ حاجی گلبر کا امداد کے لیے وزیراعظم پاکستان کو خط
اجلاس میں سول سروس میں اصلاحات کی پیشرفت اور افسران کی کارکردگی جانچنے کے نظام پر تفصیلی غور کیا گیا۔
وزیراعظم نے کہاکہ ملکی سول سروس کو بین الاقوامی معیار اور عالمی سطح کی کارکردگی سے ہم آہنگ کرنے کے لیے اصلاحات ناگزیر ہیں۔
انہوں نے ہدایت کی کہ وفاقی سیکریٹریز سمیت افسران کی کارکردگی جانچنے کے لیے ایک جامع اور موثر نظام کی سفارشات مرتب کی جائیں، تاکہ اچھی کارکردگی دکھانے والے افسران کی تحسین ممکن ہو اور اس کے ذریعے سول سروس کی مجموعی بہتری کو فروغ دیا جا سکے۔
وزیراعظم نے متعلقہ کمیٹی کو ہدایت کی کہ ملکی سول سروس میں ارتقائی مگر موثر اور جامع اصلاحاتی سفارشات جلد از جلد مرتب کی جائیں۔
انہوں نے زور دیا کہ افسران کی کارکردگی کی جامع جانچ کی بنیاد پر ترقی، مالی فوائد اور دیگر سہولیات کے نظام سے متعلق واضح سفارشات تیار کی جائیں۔
وزیراعظم نے کہاکہ سول سروس میں اصلاحات کا بنیادی مقصد موثر عوامی خدمت اور بہتر سہولیات کی فراہمی کے ذریعے عوام کی زندگی میں واضح بہتری لانا ہے۔
ان کا کہنا تھا کہ ملکی معاشی آسودگی اور سماجی ہم آہنگی کے حصول کے لیے ہمہ جہت سول سروس اصلاحات حکومت کی اولین ترجیحات میں شامل ہیں۔
وزیراعظم نے ہدایت کی کہ مجوزہ سول سروس اصلاحات کی تیاری میں سول انتظامیہ، تمام سروسز اور گروپس کے اسٹیک ہولڈرز سے بامعنی مشاورت کی جائے۔
انہوں نے کہاکہ سول سروس کسی بھی ملک کی گورننس اور عوامی فلاح و بہبود کا بنیادی ڈھانچہ ہوتی ہے، اس لیے افسران کی کارکردگی اور قابلیت کو دورِ حاضر کے عصری تقاضوں اور عالمی معیار سے ہم آہنگ کرنے کے لیے خصوصی سفارشات مرتب کی جائیں۔
وزیراعظم نے سول سروسز اصلاحات کے لیے قائم کمیٹی کو ہدایت دی کہ ایسی سفارشات پیش کی جائیں جو قابلِ عمل، دیرپا اور موثر عوامی سہولت کا باعث بن سکیں۔
انہوں نے مزید کہاکہ حکومت کی اصلاحاتی اور عوامی فلاح و بہبود پر مبنی پالیسیوں کے ثمرات عوام تک پہنچانے میں سول سروس کلیدی کردار ادا کرتی ہے۔
مزید پڑھیں: 34.
اجلاس میں سول سروسز اصلاحات پر قائم کمیٹی نے وزیراعظم کو اب تک کی مشاورت اور تیار کردہ سفارشات پر بریفنگ دی۔
اجلاس میں نائب وزیراعظم و وزیر خارجہ اسحاق ڈار، وفاقی وزیر خزانہ محمد اورنگزیب، وفاقی وزیر برائے منصوبہ بندی و ترقی احسن اقبال، وفاقی وزیر برائے موسمیاتی تبدیلی مصدق ملک، وفاقی وزیر قانون اعظم نذیر تارڑ اور دیگر نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افسران شہباز شریف کارکردگی وزیراعظم پاکستان وفاقی سیکریٹریز وی نیوز
ذریعہ
ذریعہ: WE News
کلیدی لفظ: افسران شہباز شریف کارکردگی وزیراعظم پاکستان وفاقی سیکریٹریز وی نیوز افسران کی کارکردگی جانچنے کے سفارشات مرتب کی جائیں وزیراعظم پاکستان وفاقی وزیر شہباز شریف انہوں نے ہدایت کی سول سروس میں سول کے لیے
پڑھیں:
امریکی ایوان نمائندگان کی ٹرمپ کو ایران جنگ روکنے کی ہدایت، قرارداد منظور
امریکا کے ریپبلکن اکثریتی ایوان نمائندگان (ہاؤس آف ریپریزنٹیٹوز) نے صدر ڈونلڈ ٹرمپ کو ایران کے خلاف امریکی فوجی کارروائیاں روکنے کی ہدایت دینے والی قرارداد منظور کر لی جسے کانگریس کی جانب سے صدر ٹرمپ کے لیے ایک اور علامتی پیغام قرار دیا جا رہا ہے۔
یہ بھی پڑھیں: آبنائے ہرمز میں کسی بھی جہاز پر حملہ ہوا تو ایران کا بنیادی ڈھانچہ تباہ کردیں گے، ڈونلڈ ٹرمپ کی دھمکی
قرارداد 214 کے مقابلے میں 208 ووٹوں سے منظور ہوئی جبکہ چار ریپبلکن ارکان نے بھی ڈیموکریٹس کا ساتھ دیتے ہوئے اس کی حمایت کی۔
یہ قرارداد واشنگٹن سے تعلق رکھنے والی ڈیموکریٹ رکن پرامیلا جے پال نے پیش کی جس میں صدر ٹرمپ کو ہدایت دی گئی ہے کہ کانگریس کی منظوری کے بغیر ایران کے خلاف امریکی مسلح افواج کی کارروائیاں بند کی جائیں۔
تاہم ماہرین کے مطابق اس قرارداد کی حیثیت زیادہ تر علامتی ہے، کیونکہ حالیہ مہینوں میں بھی کانگریس اس نوعیت کی متعدد قراردادیں منظور کر چکی ہے مگر ان کے نتیجے میں جنگی کارروائیاں نہیں رک سکیں۔
مزید پڑھیے: ایران مذاکرات کے لیے بے تاب، لیکن بامعنی بات چیت ہی ہوگی، ڈونلڈ ٹرمپ
قرارداد کی حمایت کرنے والے چار ریپبلکن ارکان میں ٹام بیریٹ (مشی گن)، برائن فٹزپیٹرک (پنسلوانیا)، وارن ڈیوڈسن (اوہائیو) اور تھامس میسی (کینٹکی) شامل ہیں۔
Today, the House PASSED my bipartisan War Powers Resolution to end the war in Iran by a vote of 214-208.
This is a big victory for the vast majority of Americans who want President Trump to end this illegal war and focus on their lives right here at home. pic.twitter.com/ZaE3NtTJdP
— Rep. Pramila Jayapal (@RepJayapal) July 23, 2026
اگرچہ ریپبلکن پارٹی کو ایوان نمائندگان اور سینیٹ دونوں میں معمولی برتری حاصل ہے تاہم اس قرارداد کی منظوری کو صدر ٹرمپ کی پالیسیوں پر اپنی ہی جماعت کے بعض ارکان کے تحفظات کی علامت بھی قرار دیا جا رہا ہے۔
ادھر امریکی سینیٹ میں بھی ایران سے متعلق ایک علیحدہ مگر ملتی جلتی قرارداد پر ووٹنگ متوقع تھی۔
یہ پیشرفت ایسے وقت میں سامنے آئی ہے جب صدر ٹرمپ نے ایران کے خلاف فوجی کارروائیوں میں مزید شدت لانے کا اعلان کیا ہے اور امریکی فوجیوں کی ہلاکتوں کی بھی تصدیق کی ہے۔
مزید پڑھیں: ایران کو ایک امریکی فوجی کے قتل کی کئی گنا زیادہ قیمت چکانی پڑےگی، ڈونلڈ ٹرمپ کی تہران کو وارننگ
صدر ٹرمپ نے جمعرات کو ایران اور اس کے اتحادی یمنی حوثی گروپ کو بڑی فوجی سزا دینے کا عندیہ دیا۔ دوسری جانب، عارضی جنگ بندی کے مؤثر طور پر ختم ہونے کے 2 ہفتے بعد امریکی فوج نے ایران پر ایک اور رات فضائی حملے کیے، جس کے جواب میں ایران نے پڑوسی ممالک میں قائم امریکی فوجی اڈوں کو نشانہ بنایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ایوان نمائندگان ایران امریکا کشیدگی ٹرمپ کو جنگ روکنے کی ہدایت ڈیموکریٹ رکن پرامیلا جے پال ہاؤس آف ریپریزنٹیٹوز
پاکستان نے ورلڈ کپ 2028 کیلیے براہ راست کوالیفائی کر لیا