اسپیکر قومی اسمبلی اور چینی سفیر کی ملاقات، اسٹریٹجک شراکت داری، دفاعی واقتصادی تعاون پر تبادلہ خیال
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: اسپیکر قومی اسمبلی سردار ایاز صادق سے پاکستان میں تعینات چین کے سفیر جیانگ ژائی ڈونگ نے ملاقات کی جس میں پاک چین تعلقات کے مختلف پہلوؤں کے ساتھ ساتھ اہم علاقائی اور عالمی امور پر تفصیلی تبادلۂ خیال کیا گیا۔
ملاقات کے دوران اسپیکر قومی اسمبلی ایاز صادق نے چین کو پاکستان کا قریبی، قابلِ اعتماد اور ہر مشکل گھڑی میں ساتھ دینے والا دوست قرار دیا۔ انہوں نے کہا کہ پاکستان کو چین کے ساتھ اپنی سدا بہار دوستی پر فخر ہے، جو باہمی اعتماد اور احترام کی مضبوط بنیادوں پر قائم ہے۔
اسپیکر ایاز صادق نے کہا کہ پاکستان اور چین نہ صرف قریبی دوست بلکہ اسٹریٹجک شراکت دار بھی ہیں، اور دونوں ممالک کے درمیان اقتصادی اور دفاعی شعبوں میں جاری تعاون قابلِ تحسین ہے۔ ان کا کہنا تھا کہ پاک چین دفاعی تعاون خطے میں امن و استحکام کے قیام میں اہم کردار ادا کر رہا ہے۔
اسپیکر قومی اسمبلی نے اپنے سابقہ دورِ اسپیکر شپ کا حوالہ دیتے ہوئے کہا کہ صدر شی جن پنگ کا پاکستان کی پارلیمنٹ کے مشترکہ اجلاس سے خطاب ایک تاریخی لمحہ تھا، جو دونوں ممالک کے گہرے تعلقات کی علامت ہے۔
چینی سفیر جیانگ ژائی ڈونگ نے ایاز صادق کے خیالات کو سراہتے ہوئے کہا کہ پاکستان اور چین کے عوام ایک دوسرے کے ساتھ مضبوط دوستی کے رشتے میں بندھے ہوئے ہیں۔ انہوں نے کہا کہ دونوں ممالک کے تعلقات باہمی احترام، اعتماد اور تعاون پر مبنی ہیں۔
ملاقات کے اختتام پر اسپیکر سردار ایاز صادق نے اس عزم کا اظہار کیا کہ پاک چین اسٹریٹجک شراکت داری ہر گزرتے دن کے ساتھ مزید مضبوط ہوتی جا رہی ہے اور مستقبل میں بھی یہ تعلقات مزید وسعت اختیار کریں گے۔
ذریعہ
ذریعہ: Jasarat News
کلیدی لفظ: اسپیکر قومی اسمبلی ایاز صادق کے ساتھ کہا کہ
پڑھیں:
صدر مملکت سے بلوچستان کے وزراء کی ملاقات، امن و امان، ترقیاتی منصوبوں اور عوامی فلاح پر تبادلہ خیال
ملاقات کے دوران صدر آصف زرداری نے کہا کہ بلوچستان میں پائیدار امن، معاشی استحکام اور ترقی ایک دوسرے سے جڑے ہوئے ہیں، اس لیے تمام متعلقہ اداروں کو باہمی رابطے اور مؤثر ہم آہنگی کے ساتھ اپنی ذمہ داریاں ادا کرنی چاہئیں۔ متعلقہ فائیلیںاسلام ٹائمز۔ صدرِ مملکت آصف علی زرداری سے بلوچستان کے وزراء نے بلاول ہاؤس کراچی میں ملاقات کی، جس میں صوبے کی امن و امان کی صورتحال، جاری ترقیاتی منصوبوں، عوامی فلاح اور مجموعی انتظامی امور پر تفصیلی تبادلہ خیال کیا گیا۔ ملاقات کے دوران صدر مملکت نے بلوچستان میں ترقیاتی عمل کو مزید تیز کرنے کی ضرورت پر زور دیتے ہوئے کہا کہ صوبے کے عوام کو بنیادی سہولیات کی فراہمی اور بلوچستان کی ہمہ جہت ترقی حکومت کی اولین ترجیحات میں شامل ہے۔ آصف علی زرداری نے متعلقہ حکام کو ہدایت کی کہ جاری ترقیاتی منصوبوں پر کام کی رفتار تیز کی جائے تاکہ عوام جلد از جلد ان کے ثمرات سے مستفید ہو سکیں۔
صدر مملکت نے اس بات پر بھی زور دیا کہ صوبے میں امن و امان کی صورتحال کو مزید بہتر بنانے، عوامی فلاح و بہبود کے منصوبوں کو مؤثر انداز میں آگے بڑھانے اور معاشی سرگرمیوں کے فروغ کے لیے مربوط حکمت عملی اختیار کی جائے۔ ملاقات میں صوبائی وزیر آبپاشی صادق عمرانی، وزیر منصوبہ بندی و ترقی ظہور بلیدی، وزیر صحت میر بخت کاکڑ، وزیر لائیو اسٹاک سردار فیصل جمالی، وزیر صنعت و تجارت کویار ڈومکی، وزیر محنت غلام رسول عمرانی اور پاکستان پیپلز پارٹی بلوچستان کے سینئر نائب صدر میر علی حسن زہری بھی شریک تھے۔
بھارت سے جنگ اور افغانستان میں کارروائی خارج ازامکان نہیں، وزیردفاع