فیصل آباد، 2 ہزار بوریوں سے گندم غائب، 7 کروڑ کی خرد برد
اشاعت کی تاریخ: 14th, January 2026 GMT
فوٹو: فائل
فیصل آباد میں پاکستان ایگریکلچرل اسٹوریج اینڈ سروسز کارپوریشن (پاسکو) کے گودام سے 2 لاکھ کلو گندم غائب ہوگئی۔
وفاقی تحقیقاتی ادارے (ایف آئی اے) نے 2 ہزار بوری گندم مٹی میں تبدیل ہونے کے معاملے میں چھاپہ مار کر عملے کے 4 افراد کو حراست میں لے لیا ہے۔
ایف آئی اے کے مطابق 7 کروڑ روپے مالیت کی گندم خرد برد کی گئی ہے، گودام انچارج سمیت 7 افراد کیخلاف مقدمہ درج کرلیا گیا ہے۔
حکام کے مطابق تاندلیانوالہ میں واقع پاسکو کے گودام میں ذخیرہ گندم میں خرد برد کی اطلاع ملی، جس پر سب انسپکٹر اجمل حسین کی سربراہی میںنے چھاپہ مارا۔
ایف آئی اے ٹیم نے ’پاسکو‘ کے افسران کے ہمراہ گودام میں انسپکشن کی تو گندم کی 100 کلو گرام کی 2 ہزا ر بوریوں کی جگہ مٹی ڈال کر بوریاں گودام میں رکھی گئیں۔
حکام کے مطابق چھاپے کے دوران 50 کلو گرام گندم کے 4 ہزار بیگ اور 8 ہزار باردانہ غائب پایا گیا، ابتدائی انکوائری کے مطابق 7 کروڑ روپے مالیت کی گندم خرد برد کر کے پرائیویٹ افراد کو فروخت کی گئی۔
موقع سے ایک اسسٹنٹ پرچیز آفیسر اور 3 چوکیداروں کو حراست میں لے لیا گیا جبکہ گودام کے انچارج اسسٹنٹ پرچیز آفیسر سمیت عملے کے 7 افراد اور پرائیویٹ بروکر کے خلاف مقدمہ درج کر کے مزید تحقیقات شروع کردی گئی ہیں۔
ایف آئی اے کے مطابق زونل ہیڈ پاسکو کے کردار کا تعین تحقیقات کے بعد ہو گا۔
.
ذریعہ
ذریعہ: Jang News
کلیدی لفظ: ایف ا ئی اے کے مطابق
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی