26 نومبر احتجاج کیس: علیمہ خان کے وکیل کی 6 گواہان پر جرح مکمل
اشاعت کی تاریخ: 14th, January 2026 GMT
انسداد دہشت گردی عدالت راولپنڈی میں بانی پی ٹی آئی کی ہمشیرہ علیمہ خان کے خلاف 26 نومبر کے احتجاج پر درج مقدمے کی سماعت ہوئی، انسداد دہشتگردی عدالت کے جج امجد علی شاہ نے سماعت کی۔
علیمہ خان اپنے وکیل فیصل ملک کے ہمراہ عدالت میں پیش ہوئیں۔ اسپیشل پراسیکیوٹر ظہیر شاہ ٹیم کے ہمراہ پیش ہوئے۔
علیمہ خان کے وکیل نے استغاثہ کے 6 گواہان پر جرح مکمل کی۔ گواہان میں اے ایس آئی ظہیر، کانسٹیبل بابر اور اے ایس آئی کاظم رضا، اسسٹنٹ آئی ٹی پولیس طارق، سب انسپکٹر اقبال اور ڈی ایف سی مرسلین شامل تھے۔
علیمہ خان کے خلاف درج مقدمے میں مجموعی طور پر 7 گواہان پر جرح مکمل کرلی گئی۔ سماعت کے دوران علیمہ خان کا ویڈیو بیان اسکرین پر چلایا گیا۔
جرح کے دوران وکیل صفائی اور پراسیکیوشن کے درمیان تلخ جملوں کا تبادلہ ہوا۔ پراسیکیوٹر کا کہنا تھا کہ وکیل صفائی گواہان سے غیر ضروری سوال پوچھ کر عدالت کا وقت ضائع کر رہے ہیں۔
وکیل فیصل ملک نے کہا کہ جرح کرنا وکیل صفائی کا حق ہے، پراسیکیوشن مداخلت نہیں کرسکتی۔
اس موقع پر عدالت نے کہا آپ جرح نہیں کرنا چاہتے تو ہم آرڈر میں یہی لکھ دیتے ہیں۔ عدالت کا مزید کہنا تھا کہ وکیل صفائی گواہان سے غیر متعلقہ سوال نہ پوچھیں۔
علیمہ خان کے خلاف درج مقدمے کی سماعت 3 گھنٹے تک بغیر کسی وقفے کے جاری رہی۔ عدالت نے علیمہ خان کے خلاف درج مقدمے کی سماعت کل تک ملتوی کر دی۔ عدالت نے استغاثہ کے مزید گواہان کو کل طلب کرلیا۔
ذریعہ
ذریعہ: Nawaiwaqt
کلیدی لفظ: علیمہ خان کے خلاف وکیل صفائی
پڑھیں:
وفاقی آئینی عدالت: پولٹری فیڈ ملز سے 4 فیصد اضافی ٹیکس کی وصولی غیرقانونی قرار
اسلام آباد (ڈیلی پاکستان آن لائن) بجٹ سے چند روز قبل ہی آئینی عدالت سے حکومت کو ریونیو کی مد میں بڑا جھٹکا، وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی۔
نجی وی چینل دنیا نیوز کے مطابق وفاقی آئینی عدالت نے غیر رجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا۔ جسٹس عامر فاروق کی سربراہی میں دو رکنی بنچ نے فیصلہ جاری کیا۔
وفاقی آئینی عدالت نے اپنے فیصلے میں کہا کہ ٹیکس قانون کے سیکشن 31 اے میں ابہام ہے، حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا، اضافی ٹیکس سال 2024 کے فنانس ایکٹ کی مد میں وصول کیا جا رہا تھا۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
فیصلے میں کہا گیا کہ قانون کے مطابق پولٹری فارمز کو ٹیکس سے مستثنیٰ قرار دیا گیا ہے، قانون کے مطابق استثنی ملنے پر پولٹری فارمز رجسٹریشن کے پابند نہیں ہیں، قانون غیررجسٹرڈ پولٹری فارمز کو مکمل تحفظ فراہم کرتا ہے۔
وفاقی آئینی عدالت نے فیصلے میں مزید لکھا کہ رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی۔
وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔ لاہور ہائیکورٹ نے پولٹری فیڈ ملز سے 4 فیصد اضافی ٹیکس کی وصولی کو درست قرار دیا تھا۔ پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
ڈیل مکمل جھوٹ ہے ، پی ٹی آئی کوئی ڈیل نہیں کررہی، عمران خان کو خاموش کروانے کے لیے قید تنہائی میں رکھاگیا ہے،علیمہ خان
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ