فاسٹ ٹریک لیب عمارت کی تعمیر، فنڈز میں خوردبرد کا انکشاف
اشاعت کی تاریخ: 15th, January 2026 GMT
اسلام آباد:
وزارت سائنس اینڈ ٹیکنالوجی کے ذیلی ادارے پاکستان کونسل فار رینوایبل انرجی ٹیکنالوجیز (پیکرٹ) کے ایک اہم ترقیاتی منصوبے میں سنگین مالی بے ضابطگیوں کا انکشاف سامنے آیا ہے۔
ذرائع کے مطابق ’فاسٹ ٹریک کی لیب عمارت کی تعمیر‘ کے لیے مختص سرکاری فنڈز میں مبینہ خردبرد اور بدانتظامی پر وزارت نے سخت نوٹس لے لیا ہے۔
دستیاب سرکاری دستاویزات کے مطابق سیکرٹری وزارتِ سائنس اینڈ ٹیکنالوجی کی منظوری سے پیکرٹ کے فنڈز میں ہونے والی بے ضابطگیوں پر کارروائی کا آغاز کر دیا گیا ہے۔
منصوبے کے اکاؤنٹ میں اس وقت صرف 6 ہزار 188 روپے موجود ہیں، حالانکہ منصوبہ مکمل ہو چکا ہے اور ٹھیکیدار کو تاحال ادائیگی نہیں کی گئی۔ قواعد کے مطابق اس مرحلے پر 80 لاکھ روپے بقایا ہونے چاہئیں تھے۔
منصوبہ مکمل کرنے والی فرم میسرز قوی انجینئرز پرائیویٹ لمیٹڈ نے بقایا جات کی عدم ادائیگی پر پیکرٹ حکام اور وزارتِ سائنس اینڈ ٹیکنالوجی سے باضابطہ رجوع کرتے ہوئے فوری ادائیگی کا مطالبہ کیا ہے۔
اس معاملے پر پراجیکٹ ڈائریکٹر ڈاکٹر افضل حسین کو سیکرٹری سائنس اینڈ ٹیکنالوجی کی منظوری سے وضاحتی مراسلہ جاری کیا گیا ہے، جس میں ان پر منصوبے کے نفاذ میں کوتاہی، بدانتظامی اور ممکنہ بدعنوانی کے الزامات عائد کیے گئے ہیں۔
مراسلے میں کہا گیا ہے کہ پراجیکٹ ڈائریکٹر کی حیثیت سے انہیں منصوبے کی مجموعی نگرانی کی ذمہ داری سونپی گئی تھی، تاہم وہ قواعد و ضوابط کے مطابق اپنی ذمہ داریاں نبھانے میں ناکام رہے۔
مزید انکشاف ہوا ہے کہ اسسٹنٹ ڈائریکٹر اکاؤنٹس طارق رحیم منصوبے کے اکاؤنٹس میں مبینہ خردبرد میں ملوث پائے گئے، تاہم پراجیکٹ ڈائریکٹر کی جانب سے ان کے خلاف بروقت کارروائی نہیں کی گئی۔
اس پیش رفت کے بعد اسسٹنٹ ڈائریکٹر اکاؤنٹس طارق رحیم کو ابتدائی طور پر 120 روز کے لیے معطل کر دیا گیا ہے۔
سیکرٹری سائنس اینڈ ٹیکنالوجی نے پراجیکٹ ڈائریکٹر سے تین دن کے اندر تحریری وضاحت طلب کرتے ہوئے خبردار کیا ہے کہ مقررہ مدت میں جواب جمع نہ کرانے کی صورت میں ED Rules, 2020 کے تحت تادیبی کارروائی عمل میں لائی جائے گی۔
اس کے ساتھ ہی جوائنٹ سیکرٹری وزارتِ سائنس اینڈ ٹیکنالوجی کو باضابطہ طور پر انکوائری افسر (Authorised Officer) مقرر کر دیا گیا ہے۔
ذرائع کے مطابق منصوبے کی رقم کئی سال قبل نکلوالی گئی تھی اور اب افسران کی جانب سے رقوم واپس کرنے کی بازگشت بھی سنائی دے رہی ہے۔
معاملے کی انکوائری مکمل ہونے پر مزید انکشافات اور سخت کارروائی کا امکان ظاہر کیا جا رہا ہے۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان پاکستان کھیل سائنس اینڈ ٹیکنالوجی پراجیکٹ ڈائریکٹر کے مطابق گیا ہے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار