ٹی 20 ورلڈ کپ، بھارتی تعصب پھر نمایاں، پاکستانی کپتان کی تصویر غائب کردی
اشاعت کی تاریخ: 15th, January 2026 GMT
لاہور(سپورٹس رپورٹر)انٹرنیشنل کرکٹ کونسل نے ٹی20 ورلڈکپ کےلئے اضافی ٹکٹ جاری کر دیئے ہیں۔بھارتی تعصب ایک بار پھر نمایاں رہا۔ ٹکٹ پوسٹر میں پاکستان کی نمائندگی نہیں کی گئی۔پوسٹر میں بھارت، آسٹریلیا، انگلینڈ، سری لنکا اور جنوبی افریقہ کے کپتان شامل ہیںلیکن پاکستانی کپتان شامل نہیں ہے۔ آئی سی سی کی جانب سے پہلے بھی جاری ٹکٹ پوسٹرمیں پاکستان کا ذکرنہیں تھا، جس پر پاکستانی شائقین میں حیرت اورمایوسی پائی جا رہی ہے۔یہ اقدام ایک بار پھر آئی سی سی کی متنازعہ پالیسی کے طور پرسامنے آیا ہے اورسوشل میڈیا پرصارفین کی جانب سے شدید ردعمل بھی سامنے آیا۔پاکستانی شائقین نے اس اقدام وغیرمنصفانہ قرار دیا ہے اور توقع ظاہر کی ہے کہ آئی سی سی آئندہ ٹکٹ پوسٹر میں پاکستانی ٹیم کی شمولیت یقینی بنائےگی۔بنگلہ دیش نے پھر ٹی ٹونٹی ورلڈ کپ کیلئے بھارت جانے سے صاف انکار کرتے ہوئے اپنے مو قف پر قائم رہنے کا اعلان کیا اور آئی سی سی کو وارننگ دی کہ بی سی بی کسی صورت اپنے مو قف سے ایک انچ بھی پیچھے نہیں ہٹے گا۔ نائب صدر بی سی بی سخاوت حسین نے کہا کہ بنگلہ دیش اپنے میچوں کےلئے بھارت نہیں جائےگا اور وینیو کی تبدیلی کے حوالے سے اختیار کیا گیا مو قف برقرار رکھا جائےگا۔ بی سی بی مثبت نتائج کےلئے پرامید ہے اور آئی سی سی کےساتھ بات چیت جاری ہے۔وینیو تبدیلی کے معاملے پراپنے مو قف سے ایک انچ بھی پیچھے نہیں ہٹیں گے۔مو قف واضح طور پر آئی سی سی کے سامنے رکھ چکے اوروہ متبادل وینیو تلاش کر رہی ہے۔ بات چیت کا دروازہ کھلا ہے تاہم بورڈ فیصلے میں مکمل طور پر قائم ہے۔ ایونٹ میں زیادہ وقت باقی نہیں رہا، آئندہ دنوں میں یہ دیکھنا ہوگا کہ اس صورتحال کا حتمی حل کس طرح نکالا جاتا ہے۔ ہاکی انڈیا اور ایف آئی ایچ کے سابق صدر نریندر بٹرا نے سوشل میڈیا پر صدر انٹر نیشنل ہاکی فیڈریشن طیب اکرام کےخلاف نفرت انگیز پوسٹ شیئر کی ہے۔ان کو طیب اکرام کے بھارت کے دوروں پر اعتراض ہے۔ لاہور میں پیدا ہونے والے طیب اکرام اب مکاﺅ کے شہری ہیں۔ نریندر بٹرا کا کہنا ہے کہ موجودہ حالات میں طیب اکرام بار بار بھارت کا دورہ کیوں کر رہے ہیں۔ کون دعوت دے رہا ہے، فنڈنگ کون کر رہا اور وہ کس حیثیت سے ڈومیسٹک ٹورنامنٹ دیکھنے آ رہے ہیں؟ چلی میں ویمن ورلڈ کپ کے بجائے بھارت کے دورے پر بھی اعتراض ہے۔انہوںنے ایف آئی ایچ کے صدر پر پاکستان کے حساس اداروں سے تعلقات کا بھی الزام لگا یا۔ نریندر بٹرا کو غبن کے الزام میں سی بی آئی کی تحقیقات کا سامنا رہا تھا۔
.
ذریعہ
ذریعہ: Nawaiwaqt
کلیدی لفظ: طیب اکرام
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ